npl.977 Nepal News Stream

काठमाडौं । नेपाली कांग्रेसले आफ्नो १५औँ महाधिवेशन आगामी पुस २६ गतेबाट राजधानी काठमाडौंमा सुरू गर्ने निर्णय गरेको छ। महाधिवेशन पुस २६ देखि २८ गतेसम्म चल्ने प्रवक्ता डा. प्रकाशशरण महतले जानकारी दिए। महतका अनुसार, अब पार्टीलाई विशेष महाधिवेशन बोलाउने आवश्यकता नरहेको निष्कर्ष कांग्रेसले निकालेको छ। उनले भने, ‘१५औँ महाधिवेशन तोकिएको समयमा हुँदैछ। त्यसैले अब विशेष महाधिवेशन आवश्यक छैन। प्रमुख कुरा अधिवेशनलाई समयमै सम्पन्न गर्नु हो।

काठमाडौं । आगामी चैत २७ गतेबाट प्रदर्शनमा आउन लागेको फिल्म ‘डल्लेले इन्ट्री मार्यो’को फर्स्ट लुक्स सार्वजनिक भएको छ। निर्माण टिमले सोमबार फिल्मको पहिलो पोस्टर सार्वजनिक गरेको हो। पोस्टरमा मुख्य अभिनेता सागर लम्साल (बले) को लुक्स देख्न सकिन्छ। उनी हातको औँलाले सिगरेट तानेर झुम्म परेका दृश्यमा देखिएका छन्। कतै-कतै सिगरेट तान्दा उनी निदाएका जस्तो देखिनु उनको क्यारेक्टरको विशेषता झल्काउँछ। पोस्टरले युवापुस्तामा बढ्दो कुलतप्रति निर्देशकले केही सन्देश दिन खोजेको अनुमान गर्न सकिन्छ। पोस्टरमा केवल सागर लम्साललाई मात्रै देखाइएको छ, अन्य कलाकार समावेश गरिएको छैन।

काठमाडौं । नेपाली भाषा र साहित्यलाई विश्व समुदायमा परिचित गराउन अन्तर्राष्ट्रिय नेपाली साहित्य समाज (अनेसास)ले पुर्‍याउँदै आएको योगदान उल्लेखनीय मानिन्छ । विशेषगरी नेपालबाहिर रहेका नेपाली भाषाभाषीहरूबिच भाषा, साहित्य र संस्कृतिका माध्यमबाट एकताको सूत्र बन्ने कार्यमा अनेसास निरन्तर रूपमा संलग्न रहँदै आएको छ । विश्वव्यापी साहित्यिक सञ्जाल, नियमित साहित्यिक कार्यक्रम, विधागत पुरस्कार प्रणाली तथा विविध प्रकाशन माध्यममार्फत् संस्थाले नेपाली भाषा–साहित्यको सेवा, संवर्द्धन र प्रवर्द्धनमा महत्वपूर्ण भूमिका खेलिरहेको छ। नेपाली भाषा र साहित्य राष्ट्रिय पहिचानको मेरूदण्ड भएकाले अनेसासको यो निरन्तर प्रयास भविष्यका पुस्ताका लागि मूल्यवान योगदानको रूपमा लिइन्छ ।

काठमाडौं । यहि मंसिर २६ गतेबाट प्रदर्शनमा आउन लागेको फिल्म ‘पीआर’को व्यापक प्रचारप्रसार बनाउन निर्माण टिम लागि परेको छ। अष्ट्रेलियामा बसोबास गर्दै आएका यस फिल्मका नायक नायिका समेत नेपाल फर्किए। एक साताअघि अष्ट्रेलिया पुगेका निर्देशक शोभित बस्नेतले फिल्मका नायक आर ए सुरज पौडेल र नायिका विनिता कार्कीलाई लिएर नेपाल फर्किएका हुन्। नेपाल फर्किए लगत्तै उनीहरु अब फिल्म प्रचारप्रसारमा लाग्ने तयारीमा छन्। आइतबार साँझ अन्तराष्ट्रिय विमानस्थलमा ओर्लिएका निर्देशक बस्नेतले फिल्मलाई थप उचाईमा पुर्याउनका लागि नायक नायिकालाई लिएर अष्ट्रेलियाबाट नेपाल फर्किएको बताए।

एजेन्सी । एक्ट्रेस सामन्था रूथ प्रभुले सोमबार ‘द फैमिली म्यान’का प्रोड्युसर–डायरेक्टर राज निदिमोरूसँग विवाह गरेकी छन्। यो जोडीको विवाह कोयम्बटूरको ईशा योग सेन्टरस्थित लिंग भैरवी मन्दिरमा सम्पन्न भएको हो। हिन्दुस्तान टाइम्सको रिपोर्ट अनुसार, अभिनेत्रीका नजिकका स्रोतले सामंथा र राजको विवाहको जानकारी पुष्टि गरेका छन्। रिपोर्टका अनुसार, सामंथाले विवाहमा रातो सारी लगाइकी थिइन्। यो एक अत्यन्तै अन्तरङ्ग विवाह समारोह थियो, जसमा करिब ३० जना मात्र आफन्त र नजिकका साथी सहभागी थिए। हालसम्म सामंथा र राज दुबैको तर्फबाट विवाहबारे कुनै आधिकारिक घोषणा गरिएको छैन।

काठमाडौं । चलचित्र ‘रोल नंं. १’ को छायांकन सुरू भएको छ । दुई हप्ता लामो वर्कसपपछि निर्माण टिम छायांकनमा निस्किएको थियो । चलचित्रको छायांकन म्याग्दीबाट सुरू भएको निर्माण टिमले जानकारी दिएको छ । करिब डेढ महिनाको सेडुयुल रहेको निर्माता विनोद पौडेलले जानकारी दिए । चलचित्रको मुख्य भूमिकामा मुकुन भुसाल, सुशांक मैनाली, रेणु योगी, सिर्जना अधिकारी, शुन्दर धिताल र निर्भिक रेग्मी रहेका छन् । यो चलचित्रलाई जोन योञ्जनले निर्देशन गर्दैछन् । कथा पनि उनी स्वयंको रहेको छ । चलचित्र ‘रोल नंं.

काठमाडौं । जेनजी आन्दोलनपछि फेरिएको राजनीतिक परिदृष्य र आगामी निर्वाचनलक्षित राजनीति देशको आगामी नेतृत्व लिने दौडमा देखिन्छन् । गत भदौ २३ र २४ गते भएको जेनजी आन्दोलनपश्चात गठित वर्तमान चुनावी सरकारले आगामी फागुन २१ गते प्रतिनिधिसभा सदस्य पदका लागि निर्वाचन गर्दै छ । यसको तयारीस्वरुपमा आइतबार (मंसिर १४)सम्म दल दर्ताका लागि आयोगले समय दिएको थियो । सो क्रममा नयाँ २५ सहित १२० दलले आगामी निर्वाचनमा सहभागी हुन निवेदन दिएका थिए । त्यसमध्येको एक दल हो– उज्यालो नेपाल । यो वर्तमान ऊर्जामन्त्री कुलमान घिसिङको संरक्षण र योजनाअनुसार दर्ता गरिएको पार्टी हो ।

काठमाडौं । काठमाडौं महानगरपालिकाका मेयर बालेन शाह पितृवियोगको गहिरो पीडामा परेका छन्। उनका बुबा रामनारायण शाहको आइतबार बिहान नयाँ बानेश्वरस्थित सिभिल अस्पतालमा उपचारको क्रममा निधन भएको हो। रामनारायण शाहलाई आइतबार बिहान बेहोस अवस्थामा तुरुन्तै अस्पताल पुर्‍याइएको थियो। अस्पताल स्रोतका अनुसार, विगत एक सातादेखि स्वास्थ्यमा समस्या देखिएका उनलाई मधुमेहका साथै पिसाब संक्रमणको गम्भीर जटिलता थियो। उनलाई मुटुको दीर्घ रोग समेत भएको बताइएको छ। संक्रमण शरीरभरि फैलिएको कारण उनी अत्यधिक जोखिमपूर्ण अवस्थामा पुगेका थिए। यसबीच, सोमबार बिहान प्रधानमन्त्री सुशीला कार्की सिभिल अस्पताल पुगेकी थिइन्।

काठमाडौं । काठमाडौं महानगरपालिकाका मेयर बालेन्द्र शाह (बालेन शाह)लाई पितृशोक परेको छ । मेयर शाहका पिता रामनारायण शाहको सोमबार उपचारका क्रममा निधन भएको जनाइएको छ । मिनभवनस्थित सिभिल अस्पतालमा उपचारका क्रममा उनको निधन भएको हो । आइतबार बिहान अस्पताल भर्ना गरिएको शाहको सोमबार निधन भएको हो । पिसाबमा संक्रमण भएर शरीरमा फैलिएपछि उनलाई भेन्टिलेटरमा राखेर उपचार भइरहेको थियो । मेयर शाहलाई पितृशोक परेको खबर आफूले पनि पाएको र यसलाई पुष्टि गर्ने क्रममा रहेको काठमाडौं महानगरका प्रवक्ता नविन मानन्धरले बताए । ‘मैले पनि खबर सुनेको छु, अपुष्ट खबर सुनेको हुँ ।

काठमाडौं । आगामी फागुन २१ को प्रतिनिधिसभा सदस्य निर्वाचनमा सहभागी हुन १२० राजनीतिक दलले निवेदन दिएका छन् । निर्वाचन आयोगले सो निर्वाचनका लागि दल दर्ता गर्न दिएको समय आइतबार (मंसिर १४) सकिएको छ । आयोगका अनुसार २५ नयाँसहित १२० राजनीतिक दलले फागुन २१ को निर्वाचनका लागि दल दर्ता गराएका छन् । योसँगै आयोगमा दर्ता भएका दलको संख्या १४३ पुगेको छ, जसमध्ये फागुनको निर्वाचनमा भाग लिन १२० दलले निवेदन दिएका हुन् । जेनजी आन्दोलनपछि दर्ता भएका २५ दल पनि निर्वाचनमा सहभागी हुने भएका छन् ।

काठमाडौं । नेपाल राष्ट्र बैंकले मौद्रिक नीतिको पहिलो त्रैमासिक समीक्षा सार्वजनिक गरेको छ । बैंक तथा वित्तीय संस्थाहरुमा लगानीयोग्य तरलता थुप्रिरहेका बेला लगानी सहजीकरणको नीतिसहित बैंकले समीक्षा ल्याएको छ । केन्द्रीय बैंकले मौद्रीक समीक्षामा स्थायी तरलता सुविधादर र नीतिगत दरलाई घटाएको छ । ब्याजदर करिडोरको तल्लो र माथिल्लो सीमाबीचको दूरी क्रमशः घटाउँदै नीतिगतदरलाई करिडोरको बीचमा कायम गर्ने उद्देश्यले करिडोरको माथिल्लो सीमाको रूपमा रहेको स्थायी तरलता सुविधा दरलाई ६.०० प्रतिशतबाट घटाई ५.७५ प्रतिशत र नीतिगत दरलाई ४.५० प्रतिशतबाट घटाई ४.२५ प्रतिशत कायम गरिएको हो ।

काठमाडाैं । टर्कीले मानवरहित लडाकु जेट किजिलेल्माको सफल परीक्षण गरेको छ। सिएनएनका अनुसार टर्कीको कम्पनी बायकर्सले विकास गरेको किजिलेल्माले पहिलो पटक आकाशमै तीव्र गतिमा उडिरहेको ड्रोनलाई लक्ष्य गरी प्रहार गरेर नष्ट गरेको हो। परीक्षणका क्रममा किजिलेल्माले एफ–१६ लडाकु विमानसँग फर्मेशन फ्लाइट गरी रडारको मद्दतले टाढा उडिरहेको लक्ष्य पत्ता लगायो र निरन्तर निगरानी गरिरह्यो। त्यसपछि यसमा जडान गरिएको स्वदेशी गोकदोगान मिसाइल प्रक्षेपण गरिएको थियो, जसले लक्ष्य ड्रोनलाई आकाशमै नष्ट गरिदियो। किजिलेल्माको एक विशेषता भनेको यसको अत्यन्तै कम रडार सिग्नेचर हो अर्थात् यसले दुश्मनलाई टाढैबाट पत्ता लगाउन सक्छ तर आफैँ भने रडारमा सजिलै देखिँदैन।

बेइरुत । पाेप लियाे चाैधाैँले शान्ति, सहअस्तित्व र मानवताको विषयमा आफ्नो दृढ धारणा व्यक्त गर्दै साेमबार लेबनानमा ऐतिहासिक सम्बोधन गरेका छन्। उनले इजरायल–प्यालेस्टाइनबीच दशकौँदेखि चलिरहेको द्वन्द्वको एक मात्र व्यवहारिक समाधान ‘दुई–राष्ट्र समाधान’ भएको स्पष्ट रूपमा पुनः दोहोर्‍याए। मध्यपूर्वमा चर्किँदो तनावको बिच पोप बेइरुत आइपुग्दा हजारौँ नागरिकले उत्साहपूर्वक स्वागत गरेका थिए। आर्थिक संकट, राजनीतिक अस्थिरता र बढ्दो सुरक्षा चुनौतीले थकित लेबननी जनतालाई उनकाे यो भ्रमण ‘आशाकाे सन्देश’का रूपमा हेरिएको छ। सम्बोधनका क्रममा पोपले भने, ‘धर्मका नाममा हिंसा स्वीकार्य हुँदैन।

काठमाडाैं । प्रभु बैंकले नयाँ कार्यवाहक प्रमुख कार्यकारी अधिकृत (सीईओ) नियुक्त गरेको छ। बैंकका वरिष्ठ अधिकारी निरज लम्साललाई कार्यवाहक सीईओको जिम्मेवारी दिइएको हाे । आइतबार बैंकको सूचना अधिकारी रविन्द्र ढकालद्वारा एक विज्ञप्ति जारी गर्दै कार्यवाहक सीईओको ताेकिएकाे जनाइएकाे हाे । कर्जा दुरुपयोग प्रकरणमा बैंकका वर्तमान सीईओ अशोक शेरचन, डिसिओ मणिराम पोख्रेल र प्रमुख जोखिम अधिकृत रिवास श्रेष्ठलाई नेपाल प्रहरीको केन्द्रीय अनुसन्धान ब्युरो(सीआईबी)ले पक्राउ गरेकाे थियाे । सिइओसहित ३ जना उच्च अधिकारीहरू पक्राउ परेसँगै राष्ट्र बैंककाे निर्देशनअनुसार दैनिक कार्य सञ्चालन लागि नयाँ कार्यबहाक ताेकिएकाे हाे ।

चितवन । जिल्लामा भएका एचआईभी एड्सका सङ्क्रमितमध्ये यौन रोग सङ्क्रमितको सङ्ख्या बढ्दो क्रममा रहेको छ । यहाँ रहेका एचआईभी एड्स सङ्क्रमितमध्ये ३५ जनामा यौन रोग देखिएको पाइएको छ । भरतपुर अस्पतालका वरिष्ठ फिजिसियन डा प्रमोद पौडेलका अनुसार विगत १० महिनामा गरिएको १ हजार ४० जनाको परीक्षणका क्रममा सो सङ्ख्यामा यौन रोगी भेटिएको हो । उनीहरूलाई भिरिङ्गी रोग देखिएको हो । उनका अनुसार असुरक्षित यौन सम्पर्क गर्दा सङ्क्रमितमा यौन रोग बढ्न थालेको हो । अस्पतालका अनुसार एड्स सङ्क्रमितमध्ये सात जनामा क्षयरोग देखिएको छ ।

काठमाडौं । चीनले आइतबार हाइनान प्रान्तस्थित वेनचाङ स्पेसक्राफ्ट लञ्च साइटबाट नयाँ उपग्रह सफलतापूर्वक प्रक्षेपण गरेको छ । ‘शिजियान–२८’ नामक उपग्रह स्थानीय समय अनुसार बेलुका ८ः२० बजे परिमार्जित लङ मार्च–७ बुस्टर रकेटमार्फत अन्तरिक्षतर्फ पठाइएको हो । उपग्रहले आफू निर्धारित कक्षमा सफलतापूर्वक प्रवेश गरेको चिनियाँ सरकारी निकायहरूले जनाएका छन् । यो प्रक्षेपण लङ मार्च श्रृंखलाका रकेटहरूको ६११ औँ उडान मिशन रहेको चीनको अन्तरिक्ष कार्यक्रमले जनाएको छ । शिजियान–२८ उपग्रह वैज्ञानिक अनुसन्धान तथा प्रविधि परीक्षणका विभिन्न उद्देश्यका लागि प्रक्षेपण गरिएको बताइएको छ ।

काठमाडौं । मौसम पूर्वानुमान महाशाखाले हाल देशभर दक्षिण–पश्चिम बंगालको खाडीमा बिकसित चक्रवात ‘दित्वा’ को आंशिक प्रभाव रहेको जनाएको छ । जसका कारण देशका उच्च पहाडी तथा हिमाली भूभागका साथै कोशी, बागमती, मधेश, गण्डकी र लुम्बिनीमा आंशिक बदली रही बाँकी भूभागमा मौसम मुख्यतया सफा रहेको छ । यस्तै, आज दिउँसो कोशी प्रदेश, मधेश प्रदेश, बागमती प्रदेश, गण्डकी प्रदेश र लुम्बिनी प्रदेशमा आंशिक बदली रही बाँकी भू–भागमा मौसम मुख्यतया सफा रहने महाशाखाले जनाएको छ ।

काठमाडाैं । संयुक्त अरब इमिरेट्स (यूएई) मा जारी एसिसी पुरुष यू–१९ प्रिमियर कप क्रिकेटमा च्याम्पियन बन्ने लक्ष्यका साथ आयोजक यूएईसँग नेपाल भिड्दैछ । उपाधि भिडन्त आज बिहान १०ः३० बजे अजमानस्थित करवान मैदानमा हुनेछ । नेपालले मलेसियालाई ९ विकेटले हराएर उपाधिनजिक पुगेको हो । युएईले भने ओमानलाई ८ विकेटले पराजित गर्दै फाइनलमा सुरक्षित भएको हो । नेपाल र युएई एसिया कप खेल्नका लागि भने छनोट भइसकेका छन् । प्रतियोगिताको फाइनलमा पुग्ने दुबै टोली सिधैँ एसिया कपमा छनोट हुने प्रावधान छ ।