← npl.977 Nepal News Stream

काठमाडौं । नेपाल चलचित्र तथा सांस्कृतिक प्रतिष्ठानले नेपाली चलचित्रलाई विश्वबजारसँग जोड्ने उद्देश्यले आयोजना गर्दै आएको ‘नेपाल अन्तरराष्ट्रिय चलचित्र महोत्सव’ (निफ) को नवौँ संस्करण आगामी चैत १९ देखि २३ गतेसम्म हुने भएको छ । यस संस्करणमा दर्शकले पाँच दिनभित्र ४० देशका ८८ चलचित्र हेर्ने पाउने महोत्सवका अध्यक्ष केपी पाठकले जानकारी दिए । चलचित्रकर्मीहरूसँग अन्तरक्रिया, युवा पुस्ता र एआई (कृत्रिम बुद्धिमत्ता) चलचित्रलाई प्राथमिकतासहित आयोजना हुने उक्त महोत्सव ‘विश्वभरका कथाहरुको उत्सव’ भन्ने नारा राखिएको छ । उनले भने, “हामीले यो पटक युवापुस्ता केन्द्रित चलचित्रलाई प्राथमिकता दिएका छौँ ।

काठमाडौं । नेपाली कांग्रेसको दोस्रो विशेष महाधिवेशनले पार्टीको शक्ति सन्तुलन नै उल्ट्याउँदै गगन थापाको नेतृत्वमा नयाँ केन्द्रीय कार्यसमिति निर्विरोध निर्वाचित गर्यो। विशेष महाधिवेशनको सबैभन्दा निर्णायक मोड भने शेरबहादुर देउवा नेतृत्वको संस्थापन समूहका सात जना प्रभावशाली नेताहरूले अन्तिम क्षणमा कित्ता परिवर्तन गर्दै गगन थापा समूहमा समाहित हुनु रह्यो। महाधिवेशनबाट सभापतिमा गगन थापा सर्वसम्मत हुँदा उपसभापतिमा विश्वप्रकाश शर्मा र पुष्पा भुसाल निर्विरोध भए। देउवा समूह छाडेर गगन समूहमा सामेल भएकी पुष्पा भुसालको उपसभापतिमा चयनलाई कांग्रेसभित्र ‘राजनीतिक संकेतात्मक जित’का रूपमा हेरिएको छ। समावेशी संरचनातर्फको सहमहामन्त्री चयनमा समेत देउवा समूह छाडेर आएका नेताहरूको स्पष्ट वर्चस्व देखिएको छ।

काठमाडौं । धरान उपमहानगरपालिका प्रमुख हर्कराज राई (हर्क साम्पाङ) यलम्बर हाङ स्मृति पुरस्कारबाट सम्मानित भएका छन्। किरात राई यायोक्खाद्वारा किरात यले सम्वत् ५०८६ को अवसरमा आयोजित कार्यक्रममा उनलाई नगर विकास र श्रमदानसहित सांस्कृतिक अभियान सञ्चालनको भूमिकाको कदर गर्दै सम्मान गरेको हो। उपमहानगरपालिका प्रमुख राईलाई रु दुई लाख २५ हजार ५५५ र सम्मानपत्रसहित पुरस्कारले सम्मान गरिएको छ। सम्मान ग्रहण गर्दै उनले आफू सधैँ श्रममा विश्वास गर्ने बताए। ‘म श्रम र कर्ममा विश्वास गर्छु। साकेला सिली पनि श्रम नै हो जस्तो लाग्छ।

काठमाडौं । नेपाली कांग्रेस विभाजनको संघारमा पुगेपछि सभापति शेरबहादुर देउवा नेतृत्वको संस्थापन समूहले सम्भावित कानुनी लडाइँको तयारी तीव्र पारेको छ। पार्टी विभाजनपछि उत्पन्न परिस्थितिलाई कसरी सामना गर्ने भन्ने विषयमा देउवा समूहले बिहीबार वरिष्ठ कानुनविद्हरूसँग झन्डै तीन घण्टा लामो परामर्श गरेको छ। देउवा निवास महाराजगञ्जमा भएको छलफलमा सभापति देउवा, कार्यवाहक सभापति पूर्णबहादुर खड्का, नेता डा. शेखर कोइराला, कृष्णप्रसाद सिटौलालगायत शीर्ष नेताहरू सहभागी थिए। छलफलको केन्द्रमा गगन थापा नेतृत्वमा भएको विशेष महाधिवेशन, त्यसबाट बनेको नयाँ कार्यसमितिको वैधानिकता र निर्वाचन आयोगमा परेको आधिकारिकता दाबी थियो।

काठमाडौं । राष्ट्रिय स्वतन्त्र पार्टीका प्रवक्ता मनिष झाले माघ ५ गते जनकपुरमा पार्टीको अभियान उद्घोषसभा आयोजना गरिने जानकारी दिएका छन् । आज उक्त सभाको तयारी र कार्यक्रमबारे जानकारी दिँदै उनले जनकपुरको कार्यक्रममा विशेष राजनीतिक महत्व र पार्टीका सभापति रवि लामिछाने तथा भावी प्रधानमन्त्रीका रूपमा प्रस्ताव गरिएका बालेन्द्र शाह पहिलो पटक संयुक्त रूपमा एउटै मञ्चमा उभिँने बताए । प्रवक्ता झाले भने, ‘माघ ५ गते जनकपुरमा आयोजना हुने उद्घोषसभामा पार्टीका सभापति रवि लामिछाने र पार्टीको निर्वाचन अभियानअन्तर्गत भावी प्रधानमन्त्रीका रूपमा प्रस्ताव गरिएका बालेन्द्र शाह पहिलो पटक संयुक्त रूपमा एउटै राजनीतिक सभामा सार्वजनिक हुनेछन् ।

काठमाडौं । उज्यालो नेपाल पार्टी र राष्ट्रिय परिवर्तन पार्टी(युनाईटेड जेनजी)बीच एकता भएको छ । बिहीबार एक कार्यक्रमकाबीच उज्यालो नेपाल पार्टीका अध्यक्ष कुलमान घिसिङ र राष्ट्रीय परिवर्तन पार्टीका अध्यक्ष राजेश पोर्तेलले सहमति पत्रमा हस्ताक्षर गरेका हुन् । पार्टीका एकता कार्यक्रममा बोल्दै अध्यक्ष घिसिङले उज्यालो नेपाल पार्टी जेनजी आन्दोलनपछि उदाएको सबैभन्दा नयाँ पार्टी भएको दाबी गरे । जेनजी आन्दोलनले जन्माएको राष्ट्रिय परिवर्तन र उज्यालो पार्टी एकता भएको जानकारी गराउँदै उनले अब उज्यालो पार्टी नयाँ शक्तिको रुपमा उदाएको बताए । उनले भने, ‘यो उज्यालो नेपाल पार्टी जेनजी आन्दोलनपछि उदाएको सबैभन्दा नयाँ पार्टी हो ।

काठमाडौं । आकाश श्रेष्ठ केही वर्षदेखि ठूलो पर्दामा मुख्य नायकको रुपमा देखिएका छैनन् । आकाशले यो बिचमा केही फिल्ममा भने केमियो भूमिकामा काम गरेका थिए । आकाशले थुप्रै म्यूजिक भिडियोमा काम गरेपनि फिल्मका लागि भने राम्रो कथाको प्रतिक्षा गरिरहेको बताउँदै आएका थिए । तर, अब भने आकाशको फिल्ममा कमब्याक पक्का भएको छ । नायक श्रेष्ठले यसअघि ‘जय शम्भु र दान्भी’ जस्तो एक्सन फिल्म निर्देशन गरेका निर्देशक रुपेश तामाङको अनटाइटल प्रोजेक्टबाट फिल्ममा कमब्याक गर्ने पक्का भएको हो । माघे संक्रान्तीको अवसर पारेर आज आकाश र निर्माणपक्षबिच संझौता भएको छ ।

क्याप क्यानभेरल (फ्लोरिडा) । चिकित्सकीय हेरचाह आवश्यक परेपछि नासाले इतिहासमै पहिलोपटक मेडिकल निकासी प्रक्रिया अपनाउँदै चार अन्तरिक्ष यात्रीलाई अन्तर्राष्ट्रिय अन्तरिक्ष स्टेसन (आइएसएस) बाट पृथ्वी फर्काउने निर्णय गरेको छ । बुधबार एक जना बिरामी अन्तरिक्ष यात्रीसहित तीन जना चालक दलका सदस्यले आइएसएसबाट प्रस्थान गरेका हुन् । अमेरिका, रुस र जापानका चारै जना अन्तरिक्ष यात्री स्पेसएक्सको क्याप्सुलमार्फत बिहीबार बिहान सान डिएगो नजिकै प्रशान्त महासागरमा सुरक्षित स्प्ल्यासडाउन गर्ने लक्ष्यमा छन् । यस निर्णयका कारण उनीहरूको मिसन एक महिनाभन्दा बढी छोटिएको नासाले जनाएको छ ।

काठमाडौं । नेकपा एमाले अध्यक्ष केपी शर्मा ओलीले नेपाली कांग्रेसभित्र पछिल्ला दिन देखिएको आन्तरिक संकट जस्तै घटना आफ्नो पार्टीभित्र पनि घटाउने प्रयास भएको दाबी गरेका छन्। बिहीबार ४२औँ पिस्कर सहिद स्मृति दिवस तथा सरेस नेपालद्वारा लिखित ‘जेलभित्रका संघर्ष’ पुस्तकको लोकार्पण समारोहलाई सम्बोधन गर्दै ओलीले एक वर्षअघि नै महाधिवेशन गरेर पार्टीभित्र फैलाइएको ‘भ्रम र हल्ला’ चिरेको दाबी गरे। ‘कांग्रेस पार्टीमा अहिले जे भइरहेको छ, हाम्रो पार्टीमा पनि ठ्याक्कै त्यही गर्न खोजिएको थियो,’ ओलीले भने, ‘एक वर्षअघि नै महाधिवेशन गरेर हामीले त्यो हल्लाको खेल समाप्त गर्यौँ।

काठमाडौं । फागुन २१ का लागि तय गरिएको प्रतिनिधि सभा निर्वाचनमा नेकपा (एमाले), नेकपा (माओवादी) र प्रगतिशील लोकतान्त्रिक पार्टी (प्रलोपा)बिच तालमेलको छलफल अघि बढेको छ । तीन दलबिच बेग्लाबेग्लै रूपमा चुनावी तालमेलको छलफल अघि बढेको हो । एमाले र माओवादीबिच केही समयदेखि नै तालमेलको विषयमा छलफल चलिरहेको छ । विशेषगरी एमाले र माओवादीका दोस्रो र तेस्रो तहका नेताका बिचमा संवाद भइरहेको छ । केही दिनअघि मात्रै एमालेका नेता सूर्य थापाले माओवादी नेता दिनेशविक्रम चन्दसँग तालमेलको नियमित छलफलमा रहेको कुरा सार्वजनिक गरेका थिए ।

काठमाडौं । उज्यालो नेपाल पार्टी दर्ताका क्रममा पेस गरिएका केन्द्रीय सदस्यमध्ये करिब एक दर्जन प्रभावशाली नेताहरूले उज्यालो नेपालमा नरहने निर्णय गरेका छन्। निर्वाचन आयोगमा पूर्वसचिव अनूप उपाध्यायको नेतृत्वमा ५१ सदस्यीय केन्द्रीय समिति रहेको विवरण पेस गरिएको थियो। उपाध्याय अध्यक्ष रहेकै समयमा राष्ट्रिय स्वतन्त्र पार्टी (रास्वपा) सँग एकता गर्ने निर्णय गरिएको थियो। एकता भंगसँगै कुलमान घिसिङलाई अध्यक्ष बनाएर उज्यालो नेपाल बने पनि सबै नेता उज्यालो नेपालमा फर्किएनन्। पार्टी दर्ताकै केन्द्रीय सदस्य रहेका डा. तारा जोशी, डा. विशाल भण्डारी, डा. अभिषेक सिंह, डा. सागर ढकाल र डा.

काठमाडौं । नेपाली कांग्रेसको आधिकारिकता सम्बन्धी विवाद चुलिँदै जाँदा निर्वाचन आयोगले निर्णयको जिम्मा कानुनमै छाडेको छ। निर्वाचन आयोगका कार्यवाहक प्रमुख निर्वाचन आयुक्त रामप्रसाद भण्डारीले कांग्रेसको आधिकारिकता सम्बन्धी विषयमा आयोगले कानुनअनुसार नै निर्णय गर्ने बताए। भण्डारीले फैसला नआउन्जेल कुनै टिप्पणी नगर्ने अडान लिँदै भने, ‘यो विषयको निरुपण नभएसम्म म केही बोल्दिनँ। कानुनले तोकेको मितिभित्र छिट्टै निरुपण हुन्छ।’ यद्यपि, कहिलेसम्म र कुन प्रक्रियाबाट टुंगो लाग्छ भन्ने विषयमा कानुनमा स्पष्ट व्यवस्था छैन। आजै कांग्रेसको दोस्रो विशेष महाधिवेशनबाट सभापतिमा सर्वसम्म चयन भएका गगन थापा निर्वाचन आयोग पुगेका थिए।

काठमाडौं । नेपाली कांग्रेस (गगन समूह) सभापति गगन थापाले विशेष महाधिवेशनबाट भएका निर्णय नै पार्टीका लागि सर्वोपरी हुने दाबी गरेका छन् । विशेष महाधिवेशनका निर्णयहरू अद्यावधिक गराउन निर्वाचन आयोग पुगेका थापाले सञ्चारकर्मीहरूसँग कुरा गर्दै विधानअनुसार नै विशेष महाधिवेशन सम्पन्न गरिएको बताए । उनले नेतृत्व परिवर्तनसम्बन्धी आवश्यक सबै कागजात आयोगमा बुझाइसकेको जानकारी दिए । उनले भने, ‘विशेष महाधिवेशनले नेतृत्व चयनसम्बन्धी निर्णयसमेत गरेको छ, जसका कारण विद्यमान केन्द्रीय कार्य समिति परिवर्तन भइसकेको छ । नयाँ केन्द्रीय कार्य समितिको विवरण राजनीतिक दलसम्बन्धी ऐन २०७३ को दफा ५१ बमोजिम निर्वाचन आयोगमा अद्यावधिक गराउनुपर्ने व्यवस्था छ ।

काठमाडौं । गगन थापा नेतृत्वको नेपाली कांग्रेसले केन्द्रीय समिति बैठकबाट एकपछि अर्को महत्वपूर्ण निर्णय गरेको छ। बिहीबार ललितपुरमा बसेको पहिलो केन्द्रीय समिति बैठकले पार्टीलाई निर्वाचन आयोगमा औपचारिक रूपमा अद्यावधिक गराउने निर्णय गरेको छ। कांग्रेस प्रवक्ता देवराज चालिसेका अनुसार विशेष महाधिवेशनले गरेका निर्णयहरू कार्यान्वयनमा लैजान निर्वाचन आयोगमा आवश्यक सम्पूर्ण विवरण बुझाउने निर्णय भएको हो। यस क्रममा उम्मेदवार प्रयोजनका लागि आधिकारिक दस्तखत परिवर्तन, समानुपातिक सूची संशोधन तथा कानुनी र वैधानिक दायित्व पूरा गर्ने प्रक्रिया अघि बढाइनेछ। बैठकले आगामी निर्वाचनलाई केन्द्रमा राख्दै सभापति गगनको नेतृत्वमा निर्वाचन घोषणापत्र निर्माण समिति गठन गरेको छ।

काठमाडौं । नेकपा (एमाले) का सचिव महेश बस्नेतले अहिले देशमा चुनावी वातावरण नरहेको बताएका छन्। बिहीबार आयोजित पत्रकार सम्मेलनमा बोल्दै उनले एमालेले चुनावमा भाग नलिने भनेर कहिल्यै नभनेको सुनाए। उनले भने, ‘एमालेले चुनावमा भाग लिन्छ र भन्ने प्रश्नहरु आइरहेका छन्। हामीले चुनावमा भाग लिँदैनौं भनेर कहिले पनि भनेका छैनौं। अहिले चुनावको वातावरण छैन भन्ने हाम्रो कुरा हो। अहिले पनि प्रहरी र प्रशासनको मनोबल कमजोर छ।’ सुशीलाकार्की नेतृत्वको सरकारले आफूलाई नारीको सरकार भन्ने गरे पनि व्यवहारमा सुधार नदेखिएको उनको आरोप छ।

काठमाडौं । नेपाली कांग्रेस (गगन समूह)ले अब शेरबहादुर देउवाको सट्टा सभापतिमा गगनकुमार थापाको हस्ताक्षर चल्ने निर्णय गरेको छ । बिहीबार नवनिर्वाचित केन्द्रीय कार्यसमितिको बैठकले अब देउवाको सट्टा सभापतिमा गगनको हस्ताक्षर चल्ने निर्णय गरेको हो । गत आइतबारदेखि बिहीबार (पुस २७ देखि ३० गते)मध्यरातिसम्म चलेको दोस्रो विशेष महाधिवेशनले गगनको नेतृत्वमा नयाँ कार्यसमिति चयन गरेको हो । सभापतिमा निर्वाचित भएपछि बिहीबार गगनले बिहीबार नै राखेको नयाँ कार्यसमिति बैठकले अब सभापतिको स्थानमा देउवाको सट्टा गगनको हस्ताक्षर चल्ने निर्णय गरेको हो ।

एजेन्सी । पञ्जाबी गायक तलविन्दर सिंह सिद्धू अचानक चर्चामा आएका छन्। उनको यो लाइमलाइटको कारण अभिनेत्री दिशा पाटनी हुन्। नूपुर सेनन र स्टेबिनको विवाह समारोहबाट दुवै जनाले हात समातेको भिडियो भाइरल भएपछि उनीहरूको डेटिङलाई लिएर अड्कलबाजी सुरु भएको हो। अब नूपुर सेनन–स्टेबिनको रिसेप्सनबाट तलविन्दर र दिशा पाटनीका धेरै भिडियोहरू सामाजिक सञ्जालमा भाइरल भएका छन्। यद्यपि, यी सबै भिडियोहरूमा दुवै क्यामेराअगाडि सँगै उभिन वा कुराकानी गर्नबाट जोगिएको देखिन्छ। तर हरेक भिडियोमा उनीहरू वरिपरि भने देखिएकै छन्। सामु आएको एउटा भिडियोमा तलविन्दर लिफ्टमा मौनी रोय, दिशा र दिशाका बेस्ट फ्रेन्ड अलेक्जेन्डर एलेक्स इलिकसँग देखिन्छन्।