npl.977 Nepal News Stream

काठमाडौं । इम्बार्क अनम्याथले प्रिमियर इन्टरनेशनल आइबी कन्टिन्यूम स्कुलसँगको साझेदारीमा कात्तिक ६ गते एक नवीन सिकाइ–केन्द्रित गणित सत्र आयोजना गर्यो । उक्त कार्यक्रममा विद्यार्थीहरूले हाल चलिरहेको नेपाल प्रिमियर लिग (एनपिएल) सिजन २ बाट प्रेरित लाइभ मोक क्रिकेट ‘अक्शन’ मा सहभागी हुँदै खेलकुदको रोमाञ्चलाई रणनीतिका साथ गणितीय सिकाइसँग जोड्ने अनुभव पाए । यस गतिविधिले विद्यार्थीहरूलाई गणितका अवधारणाहरू वास्तविक परिस्थितिमा कसरी प्रयोग हुन्छन् भन्ने अनुभव अनुभव पनि गरायो । यस सत्रमा ६० विद्यार्थी, तीन शिक्षक तथा चितवन राइनोजका विशेष अतिथि बिपिन आचार्य सहभागी थिए ।

काठमाडौं । ‘अभिमन्यु : च्याप्टर–१’ मंसिर १८ गते नेपाली र हिन्दी दुवै भाषामा नेपालभर एक साथ प्रदर्शनमा आउँदै छ । लामो समयदेखि स्थगित हुँदै आएको यो सिनेमा अन्ततः प्रदर्शनमा आउन लागेपछि दर्शकमाझ उत्सुकता बढेको छ । केही संयोगहरूबीच रिलिज हुने ‘अभिमन्यु : च्याप्टर–१’ किन हेर्ने ? भन्ने प्रश्नमा केही जवाफ छन् । पहिलो कारण– यो सिनेमा कामेश्वर चौरसियाको पहिलो लिड रोल रहेको चलचित्र हो । दुई दशक चलचित्रमा काम गरेपछि उनले पहिलोपटक सोलो लिडको अवसर पाएका छन् । त्यसैले आफूलाई प्रमाणित गरेर देखाउन पनि उनले कडा मेहनत गरेका छन् ।

काठमाडौं । बारामा पानी उद्योगका म्यानेजर रामकिशोर सिंहको हत्या प्रकरणमा प्रहरीले दुई जनालाई पक्राउ गरेको छ। प्रसौनी–६ भलुही चोकस्थित किरण बेभरेज नेपाल प्रालिका म्यानेजर सिंहको शव मंसिर १२ गते उद्योग नजिकैको खाल्डोमा फेला परेको थियो। उनलाई छुरा र इँटाले प्रहार गरी हत्या गरिएको प्रहरी निरीक्षक खेमप्रसाद नेपालले जनाए। पक्राउ पर्नेमा वीरगन्जका २१ वर्षीय राजनकुमार राम र ३२ वर्षीय प्रामोद साह तुरहा छन्। प्रहरीका अनुसार पानी बिक्रीमा अनियमितता गरेको कुरा म्यानेजरले थाहा पाएपछि मंसिर १० मा राजनकुमारलाई कामबाट हटाइएको थियो। त्यसको बदला लिन उनले साथी प्रमोदसँग मदिरा सेवनपछि हत्या योजना बनाएको बयान दिएका छन्।

काठमाडौं । नेपाल प्रिमियर लिग (एनपिएल) अन्तर्गत आज भएको खेलमा काठमाडौँ गोर्खाजले कर्णाली याक्सलाई पाँच विकेटले पराजित गरेको छ । जितका लागि पाएको १५० रनको लक्ष्य काठमाडौँले १८ ओभरमा पाँच विकेट गुमाएर पूरा गर्‍यो । काठमाडौँको जितका लागि गेरहार्ड इरास्मसले अविजित ४३, जोन सिम्पसनले ४१, वेन चाल्सवर्थले ३४ रनको योगदान गरे । कर्णालीका नन्दन यादवले तीन, पवन सराफले एक विकेट लिए । यसअघि त्रिभुवन विश्वविद्यालय अन्तरराष्ट्रिय क्रिकेट रङ्गशाला, कीर्तिपुरमा टस जितेर पहिला ब्याटिङ गरेको कर्णालीले निर्धारित २० ओभरमा सात विकेटको क्षतिमा १४९ रन बनायो ।

काठमाडौं । नेपाली कम्युनिस्ट पार्टीको एकता सन्देश सभामा नेता भीम रावलले आफ्नो अधिकांश वक्तव्य नेकपा एमाले अध्यक्ष केपी शर्मा ओलीमाथि केन्द्रित गरे। उनले ओलीको नेतृत्वमा बनेको एमाले–माओवादी केन्द्र एकीकृत नेकपा सरकारका समयमा दुई पटक संसद विघटन भएको प्रसंग उठाउँदै, ओलीले ‘पार्टीको सपना चिस्याइदिएको’ टिप्पणी गरे। रावलले एमाले र माओवादी विभाजनपछि आफू १०-बुँदे समझदारीमा पार्टीमा फर्किए पनि ओलीले ती सहमति कार्यान्वयन हुन नदिएको आरोप लगाए। रावलले ओलीले अघि सारेको मिसन ८४ लाई आफूले पहिले नै ‘पतनको चौरासी’ भनेको स्मरण गर्दै आफ्नो भविष्यवाणी मिलेको दाबी गरे।

काठमाडौं । नेपाली कांग्रेसले आफ्नो धेरै दिनदेखि रोकिएको १५औँ महाधिवेशन आगामी पुसको अन्तिम साता आयोजना गर्ने भएको छ। यसका लागि आवश्यक प्रस्तावलाई केन्द्रीय कार्यसमितिमा प्रस्तुत गर्ने प्रारम्भिक सहमति भएको हो। आइतबार कार्यबाहक सभापति पूर्णबहादुर खड्का, महामन्त्री गगन थापा र विश्वप्रकाश शर्मा, नेता रमेश लेखक तथा प्रचार विभाग प्रमुख मीन विश्वकर्मा सहभागी छलफलमा महाधिवेशन पुस २७–२९ मा गर्ने खाका मिलाइएको हो। एक नेताका अनुसार, पुस २७ गतेदेखि महाधिवेशन सुरु गर्नेगरी कार्यतालिका बनाउने छलफल भएको हो। अब कार्यबाहक सभापतिले यो प्रस्ताव केन्द्रीय समितिमा लैजाने छन्।

काठमाडौं । संयुक्त अरब इमिरेट्स (युएई) मा जारी एसिसी पुरुष यु-१९ प्रिमियर कप क्रिकेटको उपाधिका लागि नेपाल र आयोजक युएईबीच प्रतिस्पर्धा हुने भएको छ । उपाधिका लागि सोमबार बिहान १०ः३० बजे अजमानस्थित करवान मैदानमा खेल हुनेछ । नेपालले मलेसियालाई नौ विकेटले हराएर उपाधि नजिक पुगेको हो । युएईले भने ओमानलाई आठ विकेटले पराजित गर्दै फाइनलमा स्थान सुरक्षित गरेको हो । नेपाल र युएई एसिया कप खेल्नका लागि भने छनोट भइसकेका छन् । प्रतियोगिताको फाइनलमा पुग्ने दुवै टोली सिधै एसिया कपमा छनोट हुने प्रावधान छ ।

एजेन्सी । चर्चित भारतीय टिभी रियालिटी शो ‘बिग बोस सिजन १९’ लगभग सकिने संघारमा छ । केही दिनमा ग्रान्ड फिनाले आयोजना हुनेछ र एकजनाले उपाधि जित्नेछन् । उपाधिका लागि प्रतियोगी एकापसमा भिडिरहेको देखिन्छ । घरभित्रको वातावरण तनावपूर्ण बन्दै गइरहेको छ, प्रतियोगीले आफ्नो यात्रा फलदायी बनाउन कुनै कसर बाँकी राखेका छैनन् । निर्माता अन्तिम चरणलाई रोमाञ्चक, मनोरञ्जनात्मक र रोमाञ्चक बनाउन व्यस्त छन् । अन्सुर कौर बाहिरिएपछि ‘बिग बोसमा अहिले ७’ जना फाइनलिस्ट छन । ती फाइनलिस्ट हुन्- तान्या मित्तल, गौरव खन्ना, अमाल मल्लिक, प्रणित मोरे, फरहाना भट्ट, मालती चाहर र शहबाज बदेशा ।

एजेन्सी । सुपरस्टार सलमान खान र बलिउड आइकन माधुरी दीक्षित बिग बोस १९ को साप्ताहिक छायांकनका लागि पुग्दा माहोल उत्साहजनक बनेको छ । उनीहरूको उपस्थितिले स्टुडियो बाहिर भेला भएका चालक दल र प्रशंसकहरूमा उत्साह छाएको थियो । धेरै सिजनदेखि कार्यक्रम होस्ट गर्दै आएका सलमान खान आफ्नो सिग्नेचर शैलीमा आइपुगेका थिए । व्यापक रूपमा हेरिएको रियालिटी शृङ्खलालाई केन्द्रित गर्ने उच्च ऊर्जा व्यक्तित्व भएका कारण यस पटक उनको उपस्थितिले निकै तारिफ पनि पाएको छ । त्यस्तै माधुरी दीक्षितले यस हप्ताको एपिसोडमा नयाँ स्पार्क थप्दै विशेष खण्डको लागि उनीसँग सामेल भएकी हुन् ।

काठमाडौं । गत भदौ २४ गते जेनजी आन्दोलनका क्रममा देशकै प्रमुख प्रशासनिक केन्द्र परिसरमा रहेको सिंहदबार जल्यो । सिंहदरबारसहित सर्वोच्च अदालत, महान्यायाधिवक्ताको कार्यालय, सरकारी वकिलको कार्यालय, स्वास्थ्य मन्त्रालय जल्यो । यी सरकारी भवन सैनिक मुख्यालयसँगै छोडिएका थिए । सिंहदरबार सुरक्षार्थ नेपाली सेना तैनाथ छ । तर, सिंहदरबारमा आगो लाग्नबाट नेपाली सेनाले किन रोकेन ? यो अधिकांश नेपालीको प्रश्न हो । यही प्रश्नको उत्तर र न्यायिक जवाफ खोज्दै अर्घाखाँचीका मकबुल मियाँले सर्वोच्च अदालतमा रिट दर्ता गरे ।

काठमाडौं । नेकपा एमालेले आगामी ११औं महाधिवेशनलाई लक्षित गर्दै आइतबार च्यासलस्थित केन्द्रीय कार्यालयमा लोगो सार्वजनिक कार्यक्रममाअध्यक्ष केपी शर्मा ओली, वरिष्ठ उपाध्यक्ष ईश्वर पोखरेललगायत शीर्ष नेताहरूको उपस्थिति थियो। पछिल्ला दिनमा ओलीको बहिर्गमनसहित पूर्वराष्ट्रपति विद्यादेवी भण्डारीको पक्षमा अभिव्यक्ति दिइरहेका स्थायी कमिटी सदस्य कर्णबहादुर थापा पनि सोही कार्यक्रममा सहभागी थिए। सार्वजनिक भएको एक भिडिओमा कार्यक्रम सुरू हुन लाग्दै गर्दा ओली च्यासलस्थित तुलसीलाल स्मृति प्रतिष्ठानको भवनमा पुगे। उनलाई हेरेपछि थापाले पनि माथिल्लोतिर उक्लँदै कार्यक्रममा सहभागी हुन खोजे। ओलीले समेत ‘कार्यक्रमतिर जाऔँ’ भन्ने संकेत गर्दै उनलाई बोलाए। तर त्यस्तै क्रममा अनपेक्षित घटना भयो।

नेकपा (एमाले)ले यही मंसिर अन्तिम साता पार्टीको ११औँ राष्ट्रिय महाधिवेशन गर्दै छ । मुलुकको सबैभन्दा ठूलो दलको महाधिवेशन कस्तो हुन्छ र महाधिवेशनले एमालेभित्रको साङ्गठनिक संरचना र नीतिमा के–कस्तो फेरबदल गर्छ भन्ने चासो आमरूपमा छ । विशेषगरी जेनजी आन्दोलनपछि जबरजस्तरूपमा नीति र नेतृत्वमा फेरबदल गर्न बढिरहेको दबाबको प्रभाव एमालेमा के–कति छ ? सूत्र टिभीको कार्यक्रम फरक संवादमा एमालेकी स्थायी समिति सदस्य डा. विन्दा पाण्डेसँग यी र यिनै विषयमा प्रश्न सोधिएको छ ।

काठमाडौं । हास्य कलाकार अर्जुन घिमिरे (पाँडे) को डेव्यु निर्देशनमा निर्माण भएको सिनेमा ‘झरीपछिको इन्द्रिणी’को पोस्टर सार्वजनिक गरिएको छ । आइतबार सार्वजनिक सिनेमाको पोस्टरमा सिनेमाका सवैजसो मुख्य पात्रलाई क्यारेक्टर लुक्समा प्रस्तुत गरिएको छ । नागराज इन्टरटेन्मेन्ट प्रालिले निर्माण गरेको सिनेमाबाट अभिनेता गणेश उप्रेती लामो समयपछि कमव्याक गर्दैछन् । यो सिनेमा छायांकनका लागि उप्रेती अमेरिकाबाट नेपाल फर्किएका थिए । सिनेमामा गणेशसहित रमेश उप्रेती, प्रकाश घिमिरे, दीपाश्री निरौला, सरिता गिरी, देशभक्त खनाल, निर्मल शर्मा, कृष्ण शिवाकोटी, कृष्णभक्त महर्जन, अर्जुन घिमिरे (पाँडे), प्रियना आचार्य (मुन्नी), अंशु महर्जन, राजेन्द्र नेपाली, लक्षणा राईको अभिनय छ ।

एजेन्सी । अभिनेत्री मलाइका अरोराले शनिबार राति डिजाइनर ड्रेसमा र्‍याम्प वाक गरिन् । ५२ वर्षीया अरोरा रातो पहिरनमा सजिएर र्‍याम्प वाक गर्दा निकै सुन्दरी देखिएकी थिइन् । फ्यानहरूले उनको लुक्स, स्टाइल र वाकको निकै तारिफ गरेका छन् । यही कार्यक्रमको ब्याकस्टेजमा मलाइको भेट सलमान खानकी प्रेमिकाको रुपमा चर्चित युलिया वन्तुरसँग भएको छ । र्‍याम्प वाक सकेर ब्याक स्टेज जाँदा उनको भेट वन्तुरसँग आकस्मिक भएको हो । उक्त भेटको भिडियो अहिले सामाजिक सञ्जालमा भाइरल भइरहेको छ । भेटलाई लिएर सामाजिक सञ्जाल प्रयोगकर्ताहरूले विभिन्न प्रतिक्रिया दिइरहेका छन् ।

काठमाडौं । ११औँ महाधिवेशन नजिकिएसँगै नेकपा (एमाले)को आन्तरिक राजनीतिको सरगर्मी बढेको छ । अध्यक्ष पदमा पुनः तेस्रो पटक दोहोरिने केपी शर्मा ओलीको चाहनालाई ईश्वर पोखरेलले चुनौती दिने तयारी गरेका छन् । ९औँ र १०औँ महाधिवेशनबाट अध्यक्षमा निर्वाचित ओलीलाई आसन्न ११औँ महाधिवेशनबाट बिदा गरेर पार्टीको नेतृत्वमा पुग्ने लक्ष्यसहित वर्तमान वरिष्ठ उपाध्यक्ष ईश्वर पोखरेलले उम्मेद्‌वारी घोषणा गरिसकेका छन् । पोखरेलको उम्मेदवारी घोषणासँगै राजनीतिक वृत्तमा ‘अब ओलीले पोखरेललाई भीम रावल बनाउँछन्’ भन्ने शब्द प्रयोग गरेर टिप्पणी भइरहेका छन् । २०७८ मा चितवनमा भएको एमालेको १०औँ महाधिवेशनमा ओलीविरुद्ध अध्यक्षमा भीम रावल प्रतिस्पर्धामा थिए ।

काठमाडौं । साताको पहिलो कारोबार दिन (आइतबार) सेयर बजार परिसूचकमा गिरावट आएको छ । आइतबार २६.५१ अंकले घट्दै बजार २६४९.५२ को बिन्दुमा ओर्लिएको छ । उच्च अंकको गिरावटका बिच आज उत्पादन तथा प्रशोधन र सामूहिक लगानी समूहको सूचकबाहेक सबै समूहको सूचक घट्यो । सबैभन्दा बढी लगानी समूहको सूचकमा १.४८ प्रतिशतले गिरावट आयो । कम्पनीगतरुपमा २११ कम्पनीको मूल्य घट्दा ४५ कम्पनीको मूल्य बढ्यो भने १ कम्पनीको मूल्य स्थिर रह्यो । उच्च अंकले समग्रमा परिसूचक घटेको भएपनि आज ५ कम्पनीको मूल्य भने सकारात्मक सर्किट लेबलमा वृद्धि भयो ।

काठमाडौं । अभिनेत्री साम्राज्ञी शाहले आफ्नो जन्मदिनको अवसर पारेर फ्यानहरूलाई सप्राइज दिइन्, इन्स्टाग्राममा इन्गेजमेन्टका तस्बिर सेयर गरेर। पछिल्लो समय अभिनय गरेको फिल्म ‘लण्डन टु पेरिस’ फ्लप भएपछि उनको सक्रियता घटेको थियो। यही मेसोमा प्रेमी विशाल खरेलसँग विवाह गरिहाल्ने मुडमा देखिइन् साम्राज्ञी। एक दशकअघि अनमोल केसीसँग फिल्म ‘ड्रिम्स’मार्फत अभिनेत्रीका रूपमा डेब्यु गरेकी साम्राज्ञी पहिलो फिल्मबाटै चर्चामा आएकी थिइन्। त्यसपछि उनले ‘ए मेरो हजुर २’,‘तिमीसँग’,‘कायरा’, ‘मारूनी’,‘लण्डन टु पेरिस’मा अभिनय गरिन्। जुन बक्सअफिसको व्यावसायिक रूपमा फ्लप भए। त्यसपछि अहिले एक फिल्ममा अभिनय गरेर बसेकी साम्राज्ञीले विवाह गर्न लागेकी छन्।

चितवन । चितवनको कालिका नगरपालिका–६ लाल चोकबाट जुवा खेलिरहेको अवस्थामा वडाध्यक्षसहित ८ जना पक्राउ परेका छन् । शनिबार लाल चोकबाट जुवा खेलिरहेको अवस्थामा रत्ननगर नगरपालिका–१२ का वडाध्यक्ष सुन्दरमणि सुवेदीसहित ८ जनालाई नियन्त्रणमा लिएको प्रहरीले जनाएको छ । पक्राउ पर्नेमा वडाध्यक्ष सुवेदीसहित कालिका नगरपालिका–६ का ठाकुरप्रसाद भट्ट, झलक अमगाईं,सन्तोष लामा, मोहन दंगाल, रामकुमार दंगाल, आशबहादुर गुरुङ र शिवबहादुर अमगाईं रहेका प्रहरीले जनाएको छ । प्रहरीका अनुसार पक्राउ परेकाहरुको साथबाट ७१ हजार रुपैयाँ नगद बरामद गरिएको छ ।

काठमाडौं । प्रधानमन्त्री सुशीला कार्कीले विवादित आफ्नो अभिव्यक्तिलाई स्पष्ट पार्दै कुनै पनि धर्म वा समुदायलाई होच्याउने आशय नरहेको बताएकी छन् । लैंगिक हिंसाविरुद्धको १६दिने अभियान शुभारम्भ गर्ने क्रममा दिएको अभिव्यक्ति विवादमा परेपछि आइतबार प्रधानमन्त्री कार्कीले स्पष्ट पारेकी हुन् । लैंगिक हिंसाविरुद्धको १६दिने अभियानका क्रममा सामाजिक सञ्जाल (फेसबुक) मार्फत् व्यक्त गरिएको प्रधानमन्त्री कार्कीको अभिव्यक्तिले मुस्लिम समुदायलाई अपहेलित भएको भन्दै विवादमा परेको थियो । यही क्रममा आइतबार (मंसिर १६) फेसबुकमार्फत् नै प्रधानमन्त्री कार्कीले आफ्नो अभिव्यक्तिबारे स्पष्ट पार्दै भनिन्, ‘कुनै पनि धर्म वा समुदायलाई होच्याउने मेरो आशय र नियत होइन, छैन ।