← npl.977 Nepal News Stream

काठमाडौं – जाडोको अन्तिम साससँगै जब पृथ्वीको मुहार फेरिन थाल्छ, जब रूखका नाङ्गा हाँगामा कोमल पालुवा टुसाउन थाल्छन् र हावामा अज्ञात उल्लास मिसिन थाल्छ, त्यही बेला फागुनको पूर्णिमा उदाउँछ । आकाशमा टल्किएको त्यो उज्यालो चन्द्रमासँगै मानिसहरूको मन पनि उज्यालिन्छ ।

हुम्ला – समुद्री सतहबाट पाँच हजार मिटरभन्दा माथि, चिसो हावा र बाक्लो हिमपातबीच पनि लोकतन्त्रको अभ्यास रोकिएको छैन । आगामी फागुन २१ गते हुने प्रतिनिधिसभा निर्वाचनका लागि उत्तरी हुम्लाको नाम्खा गाउँपालिकाका चार मतदान स्थलमा नेपाली सेनाको हेलिकप्टरमार्फत निर्वाचन सामग्री र कर्मचारी पुर्‍याइएको छ ।

काठमाडौं – आमनागरिकलाई मताधिकारको महत्त्व र मतदान प्रक्रियाबारे जानकारी गराउने उद्देश्यले सञ्चालन गरिएको मतदाता शिक्षा कार्यक्रम देशभरका ६ हजार ७४३ वटै वडामा सम्पन्न भएको छ । निर्वाचन आयोगले स्वीकृत कार्यतालिकाअनुसार फागुन ३ गतेदेखि सुरु भएको कार्यक्रम आजसम्म ७५३ वटै स्थानीय तहका सबै वडामा सम्पन्न भएको जनाएको हो ।

भोजपुर : जलवायु परिवर्तन र बढ्दो मानवीय गतिविधिका कारण सुक्दै गएका प्राकृतिक मुहान जोगाउन भोजपुरको रामप्रसादराई गाउँपालिकाले जलाधार क्षेत्र संरक्षण अभियान अघि बढाएको छ । पानीका स्रोतहरू घट्दै जाँदा भविष्यमा उत्पन्न हुन सक्ने जलसङ्कटलाई मध्यनजर गर्दै गाउँपालिकाले योजनाबद्ध रूपमा संरक्षणका काम थालेको हो ।

नेपालगन्ज : नेपालगन्ज उपमहानगरपालिकाभित्रका विभिन्न विद्यालयमा सञ्चालनमा रहेको ‘शून्य फोहोर कार्यक्रम’ प्रभावकारी बन्दै गएको पाइएको छ । सरोकारवालाले आइतबार गरेको अनुगमनका क्रममा विद्यालय तथा विद्यार्थीहरूको व्यवहारमा फोहोर व्यवस्थापन र वातावरण संरक्षणप्रति उल्लेखनीय सुधार देखिएको बताएका छन् ।

बागलुङ : बागलुङको ढोरपाटन र पूर्वी रुकुमको तकसेरा गाउँ अब सिधा सडक सञ्जालमार्फत जोडिएका छन् । निसीखोला गाउँपालिका–५ निसेलढोर हुँदै पुथा उत्तरगङ्गा गाउँपालिकास्थित तकसेरा गाउँ सडक पहुँचमा आएसँगै दुई जिल्लाबीचको भौगोलिक दूरी मात्र होइन, सामाजिक र आर्थिक दूरी समेत घट्ने अपेक्षा गरिएको छ ।