भवानी प्रसाद पाण्डे
|
10 hours ago
अमेरिकाले पाकिस्तानबाट प्रवाह गर्दै आएको भिसा सेवा बन्द गरेको छ। कराचीस्थित अमेरिकी महावाणिज्य दूतावासमा भएको गोलीकाण्डमा कम्तीमा १० जनाको मृत्यु भएपछि अमेरिकाले पाकिस्तानमा भिसा अपोइन्टमेन्टहरू रद्द गर्ने निर्णय गरेको हो। पाकिस्तानको वर्तमान सुरक्षा अवस्थालाई मध्यनजर गर्दै इस्लामाबादस्थित अमेरिकी दूतावासले सबै भिसा अपोइन्टमेन्ट रद्द गरिएको घोषणा गरेको छ।
भवानी प्रसाद पाण्डे
|
11 hours ago
साउदी अरेबियाको रियादस्थित अमेरिकी दूतावासमा ड्रोन आक्रमण भएको छ। उक्त आक्रमण इरानले गरेको दाबी गरिएको छ। साउदी अरेबियाको रक्षा मन्त्रालयले सामाजिक सञ्जालमार्फत घटनाको पुष्टि गर्दै रियादस्थित अमेरिकी दूतावासमा दुईवटा ड्रोन प्रहार भएको जनाएको छ। प्रारम्भिक अनुमानअनुसार उक्त आक्रमणबाट दूतावासको भवनमा आगलागी भएको र केही भौतिक क्षति पुगेको छ।
भवानी प्रसाद पाण्डे
|
12 hours ago
अमेरिकी उपराष्ट्रपति जे.डी. भान्सले इरानमाथिको सैन्य कारबाहीको मुख्य उद्देश्य परमाणु हतियार विकास रोक्नु मात्र रहेको दाबी गरेका छन्। उनले इरानमा कसले शासन गर्छ भन्ने विषय त्यहाँका जनताको निर्णय भएको बताउँदै अमेरिकाको चासो भनेको उसको परमाणु कार्यक्रमलाई निस्तेज पार्नु रहेको स्पष्ट पारे। अमेरिकाले इरानलाई कुनै पनि हालतमा परमाणु हतियार बनाउन नदिने अडान भान्सले पुनः दोहोर्याएका छन्।
भवानी प्रसाद पाण्डे
|
12 hours ago
अमेरिकाले मध्यपूर्वमा रहेका आफ्ना नागरिकहरूलाई तुरुन्तै देश छोड्न चेतावनी दिएको छ। अमेरिकी विदेश मन्त्रालयले मध्यपूर्वका विभिन्न देशहरूमा रहेका आफ्ना नागरिकलाई “गम्भीर सुरक्षा जोखिम” का कारण ती देशहरू तत्काल छाड्न आग्रह गरेको हो। बढ्दो क्षेत्रीय तनावका बीच अमेरिकाले आफ्ना नागरिकका लागि यस्तो ‘ट्राभल एड्भाइजरी’ जारी गरेको छ।
भवानी प्रसाद पाण्डे
|
13 hours ago
अमेरिकाको अष्टिन सहरमा भएको गोलीकाण्ड आतंकवादी घटना हुनसक्ने भन्दै संघीय अनुसन्धान ब्युरो (एफबीआई) ले अनुसन्धान तीव्र बनाएको छ। एफबीआईले यस घटनामा आतंकवादसँग सम्बन्धित सम्भावित कोणबारे सूक्ष्म अध्ययन गरिरहेको जनाएको छ। शंकास्पद व्यक्तिको गाडी र घरबाट केही यस्ता सामग्री फेला परेका छन्, जसले “आतंकवादसँग सम्भावित सम्बन्ध” रहेको संकेत गर्ने अधिकारीहरूको भनाइ छ।
रासस (RSS)
|
23 hours ago
घरको आर्थिक अवस्था सुधार्न ४ वर्षअघि संयुक्त अरब इमिरेट्स (यूएई)को दुबई पुगेका थिए दिवस श्रेष्ठ । भीमसेन थापा गाउँपालिका–७ बोर्लाङ ठाँटीका २९ वर्षीय दिवस चामबहादुर र पवित्राको एकमात्र छोरा हुन् । दिवस गत वर्षको दशैँमा घर आएका थिए । गाउँकै सरस्वती माध्यमिक विद्यालयबाट एसइई उत्तीर्ण गरेका श्रेष्ठले काठमाडौँबाट ‘ओभरसियर’को अध्ययन पूरा गरेका थिए ।
खसोखास रिपोर्टर
|
1 day ago
आसन्न प्रतिधिसिभा सदस्य निर्वाचनअन्तर्गत राजनीतिक दल र उम्मेदवारको प्रचारप्रसारको अवधि आज मध्यरातदेखि सकिँदैछ । निर्वाचन आयोगले दल तथा उम्मेदवारलाई यही फागुन ४ गतेदेखि आजराति १२ बजेसम्म प्रचारप्रसारको समय प्रदान गरेको छ ।
भवानी प्रसाद पाण्डे
|
1 day ago
इरानका सर्वोच्च नेता आयतोल्लाह अली खामेनी कसरी अमेरिका र इजरायलको सटिक निशानामा परे भन्ने चासो र चर्चा अहिले सर्वत्र चुलिएको छ। यस घटनामा अमेरिकी र इजरायली गुप्तचर निकायहरूले कसरी मजबुत सहकार्य गरे होलान् भन्ने प्रश्न पनि उब्जिएको छ। प्राप्त विवरण अनुसार, महिनौँदेखि इजरायल र अमेरिकाका गुप्तचर निकायहरूबीच यस विषयमा घनिभूत सहकार्य चलिरहेको थियो।
भवानी प्रसाद पाण्डे
|
1 day ago
इरानी हमलामा परी तीन जना अमेरिकी सैनिकको मृत्यु भएको छ भने अन्य पाँच जना गम्भीर घाइते भएका छन्। शनिबारदेखि अमेरिकाले इरानमाथि हवाई आक्रमण सुरु गरेयता अमेरिकी पक्षमा ठुलो क्षति भएको पुष्टि भएको यो पहिलो पटक हो।
किशोर पन्थी
|
1 day ago
अमेरिकाको टेक्सास राज्यस्थित अस्टिनमा आइतबार बिहान एक बारमा अन्धाधुन्ध गोली चल्दा आक्रमणकारीसहित तीन जनाको मृत्यु भएको छ। घटनामा अन्य १४ जना घाइते भएका छन्। अधिकारीहरूका अनुसार, यो घटना अस्टिनको पर्यटकीय क्षेत्र ‘सिक्स्थ स्ट्रिट’ मा रहेको लोकप्रिय बियर गार्डेन ‘ब्युफर्ड्स’ मा भएको हो।
रमेश फुल्लेल
|
1 day ago
अमेरिका र इजरायलले इरानमाथि सुरु गरेको भीषण सैन्य कारबाही ‘अपरेशन एपिक फ्युरी’ को दोस्रो दिन इरानका २,००० भन्दा बढी रणनीतिक ठेगानाहरूमा शक्तिशाली बमबारी गरिएको छ। यस संयुक्त कारबाहीको सबैभन्दा ठूलो सफलता इरानका सर्वोच्च नेता आयतोल्लाह अली खामेनीको मृत्युलाई मानिएको छ, जसको पुष्टि इरानी राज्य नियन्त्रित सञ्चारमाध्यमहरूले समेत गरिसकेका छन्।
भवानी प्रसाद पाण्डे
|
1 day ago
इरानको एक विद्यालयमा भएको क्षेप्यास्त्र आक्रमणमा परी मृत्यु हुनेको संख्या १५३ नाघेको छ। दक्षिणी इरानमा अवस्थित एउटा बालिका विद्यालयमा भएको उक्त आक्रमणमा कम्तीमा १५३ जनाको ज्यान गएको इरानी अधिकारीहरूले बताएका छन्। मृतकहरूमा अधिकांश बालबालिका रहेका छन्। इरानले यस आक्रमणका लागि अमेरिका र इजरायललाई दोष दिएको छ।
सुरज घिमिरे
|
2 days ago
संयुक्त अरब इमिरेट्स (युएई)मा भएको इरानी आक्रमणमा परी एक नेपाली नागरिकसहित तीन जनाको मृत्यु भएको छ । युएईको रक्षा मन्त्रालयका अनुसार फेब्रुअरी २८ (शनिबार) देखि सुरु भएको आक्रमणका विभिन्न घटनामा परेर एक नेपालीसहित एक पाकिस्तानी र एक बङ्गलादेशी नागरिकले ज्यान गुमाएका हुन्।
खसोखास रिपोर्टर
|
2 days ago
नेपाल सरकारले मध्यपूर्व क्षेत्रमा पछिल्लो विकसित घटनाक्रमपछि त्यहाँ रहेका १७ लाख बढी नेपालीलाई सम्बन्धित मुलुकको सुरक्षा निर्देशन पालना गरी सुरक्षित रहन आग्रह गरेको छ । परराष्ट्र मन्त्रालयमार्फत सरकारले त्यस क्षेत्रमा रहेका नेपाली नागरिकको सुरक्षा उच्च प्राथमिकतामा रहेको जनाउँदै सुरक्षा सतर्कता अपनाउन आग्रह गरेको हो ।
भवानी प्रसाद पाण्डे
|
2 days ago
अमेरिका र इजरायलले संयुक्त रूपमा गरेको सैन्य आक्रमणमा इरानका सर्वोच्च धार्मिक नेता आयातोल्लाह अली खामेनीको निधन भएपछि केही ठाउँमा खुसीयाली छाएको छ। शनिबार राति खामेनी मारिएको खबर सार्वजनिक भएपछि राजधानी तेहरानसहित देशका विभिन्न सहरहरूमा खुसीयालीका स्वरहरू सुनिएका छन्।
भवानी प्रसाद पाण्डे
|
2 days ago
इरानका सर्वोच्च नेता आयतोल्लाह अली खामेनी राजधानी तेहरानस्थित आफ्नै आवास परिसरमा मारिएको इरानी सरकारी सञ्चार माध्यमले जनाएका छन्। सरकारी समाचार संस्था ‘फार्स’ का अनुसार शनिबार बिहान भएको आक्रमणका क्रममा खामेनी आफ्नो कार्यालयमा नियमित जिम्मेवारी निर्वाह गरिरहेका बेला मारिएका हुन्। आक्रमणपछि उपग्रह (स्याटेलाइट) बाट खिचिएका तस्बिरहरूमा तेहरानस्थित नेताको आवास परिसरबाट कालो धुवाँ उठिरहेको देखिएको छ।
रमेश फुल्लेल
|
2 days ago
इरानका सर्वोच्च नेता आयतोल्लाह अली खामेनीको मृत्यु भएको इरानी सरकारी सञ्चारमाध्यमले आधिकारिक रूपमा पुष्टि गरेका छन्। आइतबार बिहानै इरानी टेलिभिजनमार्फत खामेनीको मृत्युको खबर सार्वजनिक गरिएको हो। अमेरिका र इजरायलले शनिबार इरानको राजधानी तेहरान र अन्य रणनीतिक स्थानहरूमा गरेको भीषण हवाई आक्रमणका क्रममा उनको ज्यान गएको हो।
रमेश फुल्लेल
|
2 days ago
इरानको दक्षिणी क्षेत्रमा अवस्थित एक विद्यालयमा भएको शक्तिशाली विस्फोटमा कम्तीमा १०८ जनाको ज्यान गएको स्थानीय अभियोजकले पुष्टि गरेका छन्। विस्फोटका कारण विद्यालय पूर्ण रूपमा क्षतिग्रस्त भएको छ भने मृतकमध्ये अधिकांश विद्यार्थी र सर्वसाधारण नागरिक रहेको आशंका गरिएको छ। हर्मोजगान प्रान्तको मिनाब सहरमा रहेको उक्त विद्यालयमा तीनवटा क्षेप्यास्त्र प्रहार भएको बताइएको छ।
भवानी प्रसाद पाण्डे
|
2 days ago
अमेरिकी राष्ट्रपति डोनाल्ड ट्रम्पले इरानका सर्वोच्च नेता आयतोल्लाह अली खामेनी मारिएको दाबी गरेका छन्। अमेरिका र इजरायलले गरेको संयुक्त सैन्य आक्रमणमा खामेनी मारिएको दाबी ट्रम्पले गरेका हुन्। ट्रम्पका अनुसार, यो सैन्य कारबाही यस हप्ताभरि तीव्र बमबारीसहित जारी रहनेछ। यद्यपि, इरानले भने आफ्ना नेताहरू सुरक्षित र सकुशल रहेको जनाउँदै ट्रम्पको दाबीलाई अस्वीकार गरेको छ।
सुरज घिमिरे
|
2 days ago
अमेरिका र इजरायलले इरानमाथि सैन्य आक्रमण गरेपछि मध्यपूर्वमा उत्पन्न नयाँ तनावका विषयमा संयुक्त राष्ट्र सुरक्षा परिषद्को शनिबार आकस्मिक बैठक बस्ने भएको छ। संयुक्त राष्ट्रका कूटनीतिज्ञहरूका अनुसार १५ सदस्यीय परिषद्को बैठक न्यूयोर्कमा स्थानीय समयअनुसार दिउँसो ४ बजे (२१०० जीएमटी) बस्नेछ। यस महिनाको परिषद् अध्यक्षता गरिरहेको बेलायतले बैठकको अध्यक्षता गर्नेछ।
