काठमाडौँ। रौतहटको गढीमाई नगरपालिका-९ चिल्मिलिया क्षेत्रमा लुटपाट गर्न खोज्ने दुई युवक पक्राउ परेका छन्स।

मोटरसाइकलमा सवार यात्रीलाई गएराति लुटपाट गर्न खोज्दै गर्दा सोही ठाउँका २१ वर्षीय सोमनकुमार सहनी र २१ वर्षीय रामेश्वर सहनी पक्राउ परेको सशस्त्र प्रहरी बलका सहप्रवक्ता शैलैन्द्र थापाले बताए।

लुटपाट गर्न खोज्ने तीनमध्ये एक जना भने फरार रहेका छन्। निजको खोजी भइरहेको प्रहरीले जनाएको छ।

सशस्त्र प्रहरी बल नेपाल निर्वाचन क्षेत्र सुरक्षा वेश सन्तपुरको ‘स्ट्राइकिङ’ टोलीले उनीहरुलाई नियन्त्रणमा लिएको हो। जिल्लाको राजदेवी नगरपालिका ८ बस्ने धमेन्द्र राय यादव र निजको श्रीमती चन्चला सवार मोटरसाइकल रोकेर गहना लुटपाट गर्न खोजेपछि उनीहरुलाई नियन्त्रणमा लिइएको जानकारी दिए।