काठमाडौं। त्रिभुवन अन्तर्राष्ट्रिय विमानस्थलमा एक महिनामा करिब १० हजार उडान अवतरण भएको छ। विमानस्थल कार्यालयका अनुसार फेब्रुअरीमा ९ हजार ८१६ उडान अवतरण भएको हो।

अन्तर्राष्ट्रियतर्फ २ हजार ७९९ र आन्तरिकतर्फ ७ हजार १७ उडान अवतरण भएको कार्यालयले जनाएको छ। त्रिभुवन विमानस्थलबाट विभिन्न देशमा १३ सय ९४ उडान हुँदा विभिन्न देशबाट काठमाडौंमा १४ सय ५ वटा उडान भएको छ।

आन्तरिकतर्फ त्रिभुवन विमानस्थलबाट ३ हजार ५११ उडान हुँदा ३ हजार ५०६ वटा अवतरण भएको छ। 

The post त्रिभुवन विमानस्थलमा एक महिनामा १० हजार उडान अवतरण, आन्तरिकतर्फ ७ हजारभन्दा धेरै appeared first on BIZMANDU.