काठमाडौं। चार दिनदेखि उकालो लागेको लागेको सुनको बुधबार फराकिलो अंकमा मूल्य घटेको छ। अघिल्लो दिनको भन्दा तोलामा ११ हजार रुपैयाँले घटेको हो। नेपाल सुनचादी व्यवसायी महासंघका अनुसार कारोबार मूल्य प्रति तोला ३ लाख १७ हजार ६ सय रुपैयाँमा आइपुगेको छ।

यसअघि २ हजार ५ सय रुपैयाँले बढेर मंगलबार तोलाको ३ लाख २८ हजार ६ सय रुपैयाँ भएको थियो। चालु महिना सुन तोलाको ३ लाख ३ हजार ५ सय रुपैयाँ थियो। बढ्दै जाँदा मंगलबारको मूल्य सर्वाधिक उच्च थियो।

गत आइतबार तोलाको ३ लाख २० हजार ५ सय रुपैयाँ थियो। सोमबार एकैदिन ५ हजार ६ सय रुपैयाँ बढेर कारोबार मूल्य कायम भएको थियो।

बुधबार चाँदी तोलामा २ सय ७५ रुपैयाँ घटेको छ। कारोबार मूल्य प्रति तोला ५ हजार ५ सय ४० रुपैयाँ भएको महासंघले जनाएको छ। मंगलबार तोलाको ५ हजार ८ सय १५ रुपैयाँमा कारोबार भएको थियो।

अन्तर्राष्ट्रिय बजारमा सुनको मूल्य प्रतिऔंस ५१४३.७३ डलर र चाँदी प्रतिऔंस ८४.०१ डलरले कारोबार भइरहेको छ। अघिल्लो दिनका तुलनामा सुन प्रति औंस ३१.३७ र चाँदी ०.८१ डलरले सस्तिएको छ।

The post सुनको मूल्यमा पहिरो, एकैदिन तोलामा ११ हजार रुपैयाँले घट्यो, चाँदी पनि ओरालो appeared first on BIZMANDU.