काठमाडौं। नेपाल आयल निगमले पेट्रोलियम पदार्थको मूल्य समायोजन गरेको छ। निगम सञ्चालक समितिले आइतबार रातिदेखि लागू हुनेगरी मूल्य समायोजन गरेको हो।

निगमका अनुसार डिजेल र मट्टितेलमा प्रतिलिटर एक रुपैयाँले मूल्य घटाइएको छ। यस्तै, हवाइ इन्धनमा आन्तरिकतर्फ ६ रुपैयाँ र हवाइ इन्धनमा अन्तर्राष्ट्रियतर्फ प्रतिकिलोलिटर ४२ अमेरिकी डलरले बढाइएको छ।

निगमले पेट्रोलको मूल्य भने यथावत् राखेको छ।

समायोजन भएको मूल्य अनुसार डिजेल र मट्टितेल अव पहिलो वर्गमा १४३ रुपैयाँ ५० मा कारोबार हुनेछ। दोस्रो र तेस्रो वर्गमा १४५ र १४६ रुपैयाँमा कारोबार हुनेछ।

The post आयल निगमले गर्‍यो पेट्रोलियम पदार्थको मूल्य समायोजनः डिजेलको घट्यो, हवाइ इन्धनको बढ्यो appeared first on BIZMANDU.