काठमाडौं। बैंकहरुको ब्याजदर निरन्तर ओरालो लागेपछि लगानीकर्ताले आफ्नो पैसा मुद्दती निक्षेपबाट ऋणपत्रमा सिफ्ट गरेका छन्।

बैंकको ब्याजदर घटेर लगानीकर्ता ऋणपत्रमा सिफ्ट भएपछि कारोबार बढेको छ। लगानीकर्ताको आकर्षणले ऋणपत्र दोस्रो बजारमा महँगो मूल्यमा किनबेच भएको छ।

चालु आर्थिक वर्ष कात्तिकमा मात्रै १ अर्ब ७२ करोड १५ लाख रुपैयाँको ऋणपत्र किनबेच भएको छ। कात्तिकमा असोजको तुलनामा २७१ प्रतिशत धेरै कारोबार भएको हो।

चालु आर्थिक वर्ष ४ महिनामा पोहोरको सोही अवधिको तुलनामा ऋणपत्रको कारोबार ९०.६६ प्रतिशतले बढेको छ।

यसपालि कात्तिकसम्म २ अर्ब ५१ करोड ११ लाख रुपैयाँको ऋणपत्र किनबेच भएको छ। पोहोर ४ महिनामा १ अर्ब ३१ करोड ७० लाख रुपैयाँको ऋणपत्र कारोबार भएको थियो।

कात्तिकमा १०.७५ प्रतिशत ब्याजदर रहेको सिद्धार्थ बैंकको एसबीएल डिबेञ्चर २०८९ कात्तिकमा सर्वाधिक ९६ करोड ८६ लाख रुपैयाँको किनबेच भएको छ।

ऋणपत्रको प्रति कित्ता मूल्य १४२५ रुपैयाँसम्म पुगेको छ। यस्तै, एनआइएमबी डिबेञ्चर २०९० कात्तिकमा २८ करोडको कारोबार भएको छ। यसको पनि १४२५ रुपैयाँसम्म कारोबार भएको छ।

केबीएल डिबेञ्चर २०९० सर्वाधिक धेरै १४९५ रुपैयाँका दरले किनबेच भएको छ।

कात्तिकमा ऋणपत्रको कारोबार

अहिले बैंकहरुको निक्षेपको ब्याजदर २.७५ प्रतिशतमा आएको छ। बैंकहरुले ब्याजदर तीन वर्षदेखि निरन्तर घटाइरहेका छन्।

प्रणालीमा उच्च तरलताका कारण लागत महँगो परेपछि बैंकले ब्याजदर घटाउँदा संस्थागत लगानीकर्ताले ऋणपत्रमा लगानी ब‍ढाइरहेका हुन्।

बैंकहरुले ठूलो आकारको निक्षेप लिनै अस्वीकार गरिरहेका कारण म्युचुअल फण्ड र इन्स्योरेन्स कम्पनीले नै मुद्दतीको रकम न्यत्र हाइभर्ट गरिरहेका छन्।

The post लगानीको नयाँ उपकरण नपाएपछि ऋणपत्रमा बढ्यो लगानी, मुद्दतीको रकम सिफ्ट appeared first on BIZMANDU.