काठमाडौं। नेपाली कांग्रेसले विधानअनुसार अनुशासनसम्बन्धी कारबाहीको व्यवस्था संशोधन गरेको छ। अब केन्द्रीय अनुशासन समितिले नै सबै तहको कारबाही गर्न/सक्नेछ।

कारबाहीलाई कसुर अनुसार चेतावनी, निलम्बन र निष्कासनमा वर्गीकरण गरिएको छ।

बुधबारको केन्द्रीय समितिको निर्णयमा भनिएको छ, ‘अनुशासन भङ्ग गर्ने निकाय वा पदाधिकारी वा सदस्यमाथि कारबाही वा जिल्ला वा प्रदेश अनुशासन समितिको निर्णयमा पुनरावेदन निर्णय गर्दा नियमावली र आचारसंहिता अनुसार कसुर हेरी सम्झाउने, चेतावनी दिने, निलम्बन वा निष्कासन गर्ने।’

अपर्झट रूपमा अनुशासनसम्बन्धी कारबाही गर्नु गराउनु परेको अवस्थामा सफाइको मौका दिनुपर्ने व्यवस्था अनिवार्य गरिएको छैन। 

The post गगन-विश्वलाई कारबाही गर्ने कांग्रेसले विधानमै गर्‍यो संशोधन, सफाइको मौका दिनुपर्ने व्यवस्थामा छेडखानी appeared first on BIZMANDU.