काठमाडौं। नेपाली महिला फुटसल टोलीले माल्दिभ्समाथि प्रभावशाली जित निकालेको छ। वैङ्ककमा जारी साफ महिला फुटसल च्याम्पियनसिपमा आज सम्पन्न खेलमा नेपाली महिला टोलीले माल्दिभ्सलाई ५-० गोलअन्तरले हराएको हो।

नेपालको जितमा जेनिफर रानाले दुई गोल गर्दा विमला चौधरी र मनिषा थापामगरले समान १ गोल गरे। एक गोल भने माल्दिभ्सकी फतिमा सइनाले आत्मघाती गरेकी थिइन्। नेपालले महिला फुटसलमा हात पारेको यो पहिलो अन्तर्राष्ट्रिय जित हो।

यसअघि नेपाली महिला टोलीले श्रीलंकासँग २-२ गोलको बराबरी खेलेको थियो।

‘हामीले आज राम्रो खेल्यो। पहिलो जितमा धेरै खुशी छु। अघिल्लो खेलमा ३ अंक बनाउन सकेनौँ,’ दुई गोल गरेकी जेनिफरले भनिन्, ‘आगामी खेलमा पनि जितको अपेक्षामा छौं। टिम युनिटी राम्रो भइरहेको छ। देशलाई प्रतिनिधित्व गर्दा गौरवान्वित छु।’

The post साफ महिला फुटसल: माल्दिभ्समाथि नेपालको जित, श्रीलंकासँग खेलेको थियो बराबरी appeared first on BIZMANDU.