एजेन्सी – क्रिस्टल प्यालेसलाई २-१ गोल अन्तरले हराउँदै म्यानचेस्टर युनाइटेड इङ्लिस प्रिमियर लिगको शीर्ष छ स्थानमा फर्किएको छ।

उत्कृष्ट कमब्याक गर्दै युनाइटेडले सन् २०२० पछि पहिलोपटक सेलहर्स्ट पार्कमा जित निकालेको हो।
खेलको सुरुवातमा प्यालेसले उत्कृष्ट प्रदर्शन गर्‍यो।

खेलको ३६ औं मिनेटमा क्रिस्टल प्यालेसले अग्रता बनायो। फिलिप माटेटाले दुईपटक पेनाल्टी प्रहार गर्नुगर्यो। दोस्रो पटक प्रहार गरेको पेनाल्टी मान्य भएसँगै पहिलो हाफमा प्यालेसलाई अग्रता दिलाउन सफल रहे।

तर दोस्रो हाफमा युनाइटेड खेलमा फर्कियो। दोस्रो हाफको नवौं मिनेटमा टाइट एङ्गलबाट जोसुवाले गोल गरे। खेल १-१ गोलको बराबरीमा पुग्यो।

त्यसपछि खेलको ७४औँ मिनेटमा मासन माउन्टले गोल गरे। यो गोल नै निर्णायक बन्दा युनाइटेड उत्कृष्ट पुनरागमन गर्दै २-१ को जित निकाल्न सफल रह्यो।

लगातार ३ खेलमा जित निकाल्न नसकेको युनाइटेड ले २१ अंक सहित छैटौं स्थानमा उक्लिएको छ। क्रिस्टल प्यालेससँग २० अंक छ। हारमा टोलीके शीर्ष ४ मा पुग्ने मौका गुमायो।

The post युनाइटेडले क्रिस्टल प्यालेसलाई‌ हरायो first appeared on हाम्रो खेलकुद.