काठमाडौं। चारवटा सरकारी कम्पनीलाई निजीकरण गर्ने तयारीस्वरुप लगानी व्यवस्थापनका लागि मूल्यांकन गर्न प्राविधिकरुपमा तीन कम्पनी छनोट भएका छन्।

जनकपुर चुरोट कारखाना, नेपाल मेटल कम्पनी, बुटवल धागो कारखाना र नेपाल ओरिण्ड म्याग्नेसाइट प्रालिको मूल्यांकन गर्न तीन कम्पनी छनोट भएका हुन्।

एस एण्ड एस-पीजेपीएन जेभी, जिन एण्ड एसोसिएट्स र एस सुवेदी एण्ड एसोसिएट्स प्राविधिक मूल्यांकनमा सफल भएको अर्थ मन्त्रालयले जनाएको छ।

एस एण्ड एस-पीजेपीएन जेभी चारवटै कम्पनीको मूल्यांकन गर्न प्राविधिक रुपमा छनोट भएको हो। यस्तै जिन एण्ड एसोसिएट्स नेपाल मेटल कम्पनी र एस सुवेदी एण्ड एसोसिएट्स नेपाल ओरिण्ड म्याग्नेसाइट प्रालिको मूल्यांकन गर्न छनोट भएका हुन्।

बुटवल धागो कारखाना र नेपाल ओरिण्ड म्याग्नेसाइट प्रालिको मूल्यांकनका लागि एस एण्ड एस-पीजेपीएन जेभीकव प्रतिस्पर्धी छैन। अर्थ मन्त्रालयका अनुसार आर्थिक प्रस्ताव मंसिर २१ गते खोलिनेछ।

The post चार कम्पनीमा सरकारी लगानी मूल्यांकन गरिंदै, प्राविधिक रुपमा तीन कम्पनी छनोट appeared first on BIZMANDU.