काठमाडौं। बीमा कम्पनीले चालु आर्थिक वर्ष व्यापार बढाएका छन्। नेपाल बीमा प्राधिकरणका अनुसार कात्तिक मसान्तसम्म जीवन र निर्जीवन बीमा कम्पनीले प्रिमियम संकलन बढाएका हुन्।

चालु वर्ष ४ महिनामा माइक्रो लाइफसहित सबै जीवन बीमा कम्पनीले ६३ अर्ब ७२ करोड २८ लाख रुपैयाँ प्रिमियम संकलन गरेका छन्। यो प्रिमियम रकम पोहोर सोही अवधिको तुलनामा १८.६७ प्रतिशत धेरै हो।

जीवन बीमा कम्पनीले गत आर्थिक वर्ष पहिलो चार महिनामा ५३ अर्ब ६९ करोड रुपैयाँ प्रिमियम आर्जन गरेका थिए।

नयाँ व्यापार बढ्दा जीवन बीमा कम्पनीले प्रिमियम संकलन बढाएका हुन्। नेपाल लाइफ इन्स्योरेन्सले सबैभन्दा धेरै १७ अर्ब रुपैयाँ प्रिमियम संकलन गरेको छ। प्रिमियम संकलन धेरै बढाउनेमा राष्ट्रिय जीवन बीमा कम्पनी छ।

जीवन बीमा कम्पनीले चालु आर्थिक वर्ष कात्तिकसम्म संकलन गरेको प्रिमियम रकम रु लाखमा

प्राधिकरणका अनुसार निर्जीवन बीमा कम्पनीले यो आर्थिक वर्ष कात्तिकसम्म १६ अर्ब २१ करोड ४७ लाख रुपैयाँ प्रिमियम संकलन गरेका छन्। यो रकम पोहोर सोही अवधिको तुलनामा १२.९३ प्रतिशत धेरै हो।

निर्जीवन बीमा कम्पनीले गत वर्ष साउनदेखि कात्तिकसम्म १४ अर्ब ३५ करोड ४६ लाख रुपैयाँ प्रिमियम संकलन गरेका थिए। सगरमाथा लुम्बिनी इन्स्योरेन्सले सबैभन्दा धेरै १ अर्ब ७८ करोड रुपैयाँ प्रिमियम आर्जन गरेको छ।

निर्जीवन बीमा कम्पनीले चालु आर्थिक वर्ष कात्तिकसम्म संकलन गरेको प्रिमियम रकम रु लाखमा

The post बीमा कम्पनीले बढाए व्यापार, चार महिनामा कुन इन्स्योरेन्सको प्रिमियम आर्जन कति? appeared first on BIZMANDU.