काठमाडौँ। वैदेशिक रोजगारीको प्रलोभन देखाएर मोटो रकम ठगी गरेको आरोपमा एकजना पक्राउ परेका छन्। पक्राउ पर्नेमा हेटौंडा उपमहानगरपालिका ४‚ मकवानपुरका भएका ५२ वर्षीय शम्भुदयाल अग्रवाल छन्।

काठमाडौं उपत्यका अपराध अनुसन्धान कार्यालयको टोलीले अग्रवाललाई उनी अहिले बसेको ललितपुर महानगरपालिका ४ बाट आतइबार पक्राउ गरेको प्रहरी उपरीक्षक काजीकुमार आचार्यले बताए।

अग्रवालविरूद्ध १४ करोड १३ लाख रुपैयाँ ठगी गरेको आरोप रहेको आचार्यले बताए। विभिन्न देशमा लैजाने भन्दै अग्रवाल रकम लिएर फरार भएपछि पीडित प्रहरीमा पुगेका थिए।

प्रहरीले अग्रवाललाई थप अनुसन्धान तथा कारबाहीको लागि वैदेशिक रोजगार विभाग ताहाचल पठाएको छ।