काठमाडौँ। नेपाली काँग्रेसका नेता डा. शेखर कोइरालाले पार्टी एकताबद्ध राख्ने भागिरथ प्रयास सफल हुन नसकेको बताएका छन् । आज एक वक्तव्य जारी गदै सबै कहीँ न कहीँ चुकेको कुरा स्वीकार गरेका छन् ।

उनले भनेका छन्, ‘दृश्यमा देखिएका र नदेखिएका अनेकन् अन्तरविरोधबाट हामी यसबीच गुज्रियौँ । राजधानीमा षड्यन्त्रको अनेकन् राष्ट्रिय र अन्तराष्ट्रिय तानाबाना बुनिए र काँग्रेसलाई कमजोर पार्न चाहनेको स्वार्थलाई हामीले रोक्न सकेनौँ ।’ यतिखेर काँग्रेस एक ढिक्का भएर अगाडि बढ्न नसक्नुलाई पनि त्यही नियतिको कठोर सत्य भनेर बुझ्‌न आग्रह गरेका छन्।

उनले भनेका छन्, ‘पार्टी भित्र गर्नुपर्ने सुधारका प्रक्रिया रोकिने छैनन् । म आह्वान गर्छु हामी सबै घर फर्कौँ, काँग्रेसमा फर्कौँ । यहाँ जीतहार कसैको छैन, सबैको विन-विन अवस्थामा हामी अगाडि बढ्न सक्छौँ ।’

The post ‘जीतहार कसैको भएको छैन, घर फर्कौं : डा. शेखर कोइराला appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....