काठमाडौं । काठमाडौं महानगरपालिकाका मेयर बालेन्द्र शाह(बालेन)का बुवा रामनारायण शाहको निधन भएको छ ।

स्वास्थ्यमा समस्या देखिएपछि उनलाई आइतबार बिहान नयाँ बानेश्वरस्थित सिभिल अस्पताल भर्ना गरिएको थियो । भेन्टिलेटरमा राखेर उनको उपचार भइरहेको थियो ।

सोमबार मध्याह्न उनको निधन भएको हो ।

रामनारायणको पिसाबमा संक्रमण भएर शरीरमा फैलिएको थियो । आइतबार बिहान अवस्था गम्भीर भएपछि बेहोसी अवस्थामा नै परिवारका सदस्यले उनलाई अस्पताल पुर्‍याएका थिए । उनी मधुमेह र पिसाब संक्रमणले बिरामी थिए ।

शाहलाई भेट्न सोमबार बिहान प्रधानमन्त्री सुशीला कार्की पनि पुगेकी थिइन् ।