काठमाडौं । नक्कली भुटानी शरणार्थी काण्डका आरोपी पूर्वगृहमन्त्री बालकृष्ण खाँण फेरि राजनीतिमा सक्रिय भएका छन् । चार महिनासम्म हिरासतमा बसेर धरौटीमा रिहा भएका खाँण कांग्रेसमा पछिल्लो समय देखिएको विवादमा सरिक भएका छन् । सभापति शेरबहादुर देउवाले राखेका हरेक बैठकमा खाँण नियमित सहभागी हुँदै आएका छन् ।
खाँणकै अगुवाइमा कांग्रेसमा नियमित महाधिवेशन पक्षधरले पनि आइतबार छुट्टै भेला गर्ने भएको छ। दिउँसो २ बजे मध्यवानेश्वरस्थित सनराइज क्याफे एन्ड ब्याकेटमा बस्नेगरी भेला बोलाइएको हो। भेलामा नियमित छलफलमा जुट्दै आएका ७० बढी केन्द्रीय सदस्य उपस्थित हुने बताइएको छ ।
संस्थापन समूहलाई एकताबद्ध राख्न तथा आगामी रणनीतिबारे छलफल गर्न खाँणको अगुवाइमा भेला बस्न लागेको हो । यो समूह विशेष महाधिवेशन गर्नै नहुने पक्षमा छ। खाँणलाई विमलेन्द्र निधि र कृष्णप्रसाद सिटौलालगायतको समर्थन रहेको बताइन्५ ।
संस्थापन पक्ष पार्टीको १५औँ महाधिवेशन चुनावअघि गर्न नहुने अडानमा छ। नियमित महाधिवेशन पनि वैशाखमा गरिपर्ने अडान यो समूहले लिएको छ।