← npl.977 Nepal News Stream

एजेन्सी – सेनेगल अफ्रिका कप अफ नेशन्सको फाइनलमा पुगेको छ। इजिप्टलाई १–० ले पराजित गर्दै सेनेगल उपाधि नजिक पुगेको छ। योसँगै मोहम्मद सलाहको उपाधि जित्ने सपना फेरि अधुरो बनेको छ। बुधबार राति मोरक्कोको तान्जियरमा भएको खेलमा सेनेगलका साडियो मानेले ७८औँ मिनेटमा गरेको गोल नै निर्णायक बन्यो।

एजेन्सी – रियल मड्रिड कोपा डेल रेको अन्तिम १६ मै बाहिरिएको छ। इन्जुरी समयमा जेफ्टे बेटान्कोरले निर्णायक गोल गरेपछि दोस्रो डिभिजनको अल्बासेटेले बुधवार रियललाई ३-२ ले हराउँदै सनसनीपूर्ण जित निकालेको हो। एस्टाडियो कार्लोस बेल्मोन्टेमा भएको खेलमा रियलले दुई पटक बराबरी गरे पनि अन्ततः हार टार्न सकेन।

एजेन्सी – लिग कप (काराबाओ कप ) सेमिफाइनलको पहिलो लेगमा आर्सनलले चेल्सीलाई ३–२ ले हराएको छ । नाटकीय खेलमा चेल्सीका गोलकिपर रोबर्ट सान्चेजका गल्तीले आर्सनललाई फाइदा पुग्यो । अर्कोतिर अलेजान्द्रो गार्नाचोले २ गोल गर्दै चेल्सीलाई आशा जोगाइराखे।