काठमाडौं । महान्यायाधिवक्ताको कार्यालयले रास्वपा सभापति रवि लामिछानेविरुद्ध लगाइएका संगठित अपराध र सम्पत्ति शुद्धीकरणसम्बन्धी मुद्दामा अभियोगपत्र संशोधन गर्ने निर्णय गरेको छ । मुलुकी फौजदारी कार्यविधि संहिता, २०७४ को दफा ३६ को व्यवस्थाअनुसार अभियोगपत्र संशोधनका लागि सम्बन्धित जिल्ला सरकारी वकिलको कार्यालयलाई अनुमति दिइएको हो ।
लामिछानेले विभिन्न मितिमा दर्ता गरेका निवेदनहरू, जाहेरीको आधारमाथि नै प्रश्न उठाउने नयाँ प्रमाणहरू र निक्षेपकर्ताको बचतको हक संरक्षण गर्नुपर्ने विषयलाई आधार मान्दै महान्यायाधिवक्ता कार्यालयले यस्तो निर्णय गरेको जनाएको छ ।
महान्यायाधिवक्ता कार्यालयले यो निर्देशन कास्की, काठमाडौं, रुपन्देही र चितवनका जिल्ला सरकारी वकिल कार्यालयहरूलाई पठाएको छ, जहाँ लामिछानेविरुद्ध ठगी, सहकारी ठगी र संगठित अपराधसम्बन्धी मुद्दाहरू विचाराधीन छन् ।

अब पाँचवटै जिल्ला अदालतले संगठित अपराध र सम्पत्ति शुद्धीकरण मुद्दाको अभियोग अघि बढाउने छैनन् । यसपछि रविलाई चुनावमा उम्मेदवार बन्नुका साथै सांसदको शपथ लिने र कार्यकारी अधिकार प्रयोग गर्ने बाटो खुलेको छ ।

महान्यायाधिवक्ता कार्यालयले मुख्यतः जाहेरवालाको स्वयं घोषणा, संसदीय छानबिन समितिको प्रतिवेदन, पीडितको न्याय र मिलापत्रको सम्भावनासहितका तीनवटा आधार प्रस्तुत गरेर अभियोगपत्र संशोधनको निर्णय गरेको छ । यी आधारहरूले लामिछानेको निवेदनमा उल्लिखित ‘बदनियतपूर्ण अभियोजन’ को दाबीलाई बलियो बनाएको छ ।

लामिछानेले आफूलाई राजनीतिक प्रतिशोध साध्ने नियतले मुद्दा अभियोजन गरिएको भन्दै कानुनबमोजिम निकासका लागि महान्यायाधिवक्ता कार्यालयमा निवेदन दिँदै मुलुकी फौजदारी कार्यविधि संहिता, २०७४ को दफा ३६ बमोजिम अभियोग संशोधनको माग गरेका थिए । सहकारी ठगी, संगठित अपराध र सम्पत्ति शुद्धीकरणसम्बन्धी अभियोगलाई उनले राजनीतिक प्रतिशोधको परिणाम भनेका छन् ।

संसदीय छानबिन समितिले कम्पनी ऐनअनुसार कारबाही सिफारिस गरे पनि आफूविरुद्ध गम्भीर फौजदारी अभियोग लगाइएको तथा सांसद पदबाट निलम्बन गराउन संगठित अपराधको कसुर थपेको लामिछानेको तर्क छ । ऋणसम्बन्धी कुनै पनि कागजातमा आफ्नो हस्ताक्षर वा संलग्नता नरहेको दाबी पनि उनले गरेका छन् । तर सहकारी ठगीमा अदालतले सुनाएको बिगो स्वीकार गर्ने उनको निर्णयले अभियोग प्रमाणित गरेको कानुन व्यवसायीको तर्क छ ।

काठमाडौँ । नेपाली कांग्रेसको दोस्रो विशेष महाधिवेशनबाट निर्वाचित केन्द्रीय कार्यसमितिको नाम घोषणा गरिएको छ । काठमाडौँमा आइतबारदेखि जारी विशेष महाधिवशेनबाट आज पार्टी सभापतिमा गगनकुमार थापा उपसभापतिमा विश्वप्रकाश शर्मा र पुष्पा भुसाल तथा महामन्त्रीमा प्रदीप पौडेल र गुरुराज घिमिरे निर्वाचित भएको केन्द्रीय निर्वाचन समितिका संयोजक वरिष्ठ अधिवक्ता सीताराम केसीले जानकारी दिए ।
पार्टीको सहमहामन्त्री डा. डिला सङ्ग्रौला पन्त (महिला), प्रकाश रसाइली स्नेही (दलित), बहादुरसिंह लामा (आदिवासी जनजाति), उदयशम्शेर राणा (खसआर्य), मुक्ताकुमारी यादव (मधेसी), फर्मुल्ला मन्सुर (मुस्लिम) योगेन्द्र चौधरी (थारु) र कर्णबहादुर बुढा (पिडडिएको क्षेत्र) निर्वाचित भएका छन् ।

खुला ३५ केन्द्रीय सदस्यतर्फ गोपालमान श्रेष्ठ, ओमकारप्रसाद श्रेष्ठ, अर्जुननरसिंह केसी, राजेन्द्रकुमार केसी, अर्जुनप्रसाद जोशी, सुरेशकुमार योङ्या, चिनकाजी श्रेष्ठ, सुधिर सिवाकोटी, भरत शाह, मधु आचार्य, अमृत अर्याल, ध्रुव वाग्ले, देवराज चालिसे, विनोद चौधरी, मोहन आचार्य, उज्ज्वल बराल, जनक गिरी र देवप्रसाद तिमिल्सिना निर्वाचित भए ।

यस्तै, जयबाबु सिवाकोटी र प्रेमबहादुर खड्का, जयराम लामिछाने, वसन्त भट्टराई, प्रदीप शर्मा, जगत जोशी, प्रमोदहरि गुरागाईं, डा केदारनरसिंह केसी, विदुर बस्नेत, तीर्थजंग शाही, भरत खड्का, सुवास पोखरेल, शम्भु बुढाथोकी, धर्मराज गौतम, टेकराज पौडेल, तिलक रानाभाट र राजेन्द्रगोपाल सिंह खुला केन्द्रीय सदस्य निर्वाचित भएको निर्वाचन समितिले जनाएको छ ।

महिला खुल्ला नौ सदस्यीय केन्द्रीय सदस्यमा चम्पादेवी खड्का, धना खतिवडा, नानु बास्तोला, चिनु पोखरेल, जानकी सिंह, प्रतिमा गौतम, गीता सत्याल, सन्तोषी साउँद ऐर र दिलकुमारी राई निर्वाचित भएका छन् ।
केन्द्रीय सदस्य कोशी प्रदेशतर्फ शारदादेवी कोइराला, हिमालय कर्माचार्य र अग्नि पौडेल, मधेसतर्फ मधु शाही, रामानन्द यादव र बजरंग नेपाली, बागमतीतर्फ उमा दाहाल, जितनारायण श्रेष्ठ र रमेश धमला निर्विरोध चयन भए ।

गण्डकीतर्फ विष्णुदेवी पाण्डे, रेशम बानियाँ र कृष्ण केसी, लुम्बिनीतर्फ पवित्राकुमारी अर्याल, केशव आचार्य र रामबहादुर कार्की, कर्णालीतर्फ रमादेवी खड्का, दिक्पाल शाही र नारायण भट्टराई तथा सुदूरपश्चिमतर्फ निपा चोख्याल, हिमबहादुर रावल र नरेन्द्रप्रसाद भट्ट निर्वाचित भए ।

केन्द्रीय सदस्य (अपांगता) तर्फ प्रकाश पन्त, (अल्पसङ्ख्यक) तर्फ शिवनारायणसिं गनगाई, केन्द्रीय सदस्य दलिततर्फ मैकुलाल बाल्मिकी, शिवबहादुर सुनार, धर्म नेपाली दर्जी, सूर्य विक र दिनेश सुनार निर्वाचित भए ।

केन्द्रीय सदस्य आदिवासी जनजाति (महिला) तर्फ सपना राजभण्डारी, प्रमिला राई, मनकुमारी गुरुङ, कुशुमदेवी थापा मगर, लीलादेवी बोखिम लिम्बू, डा अमिता प्रधान र छोन्दुल्होम शेर्पा, आदिवासी जनजाति खुलातर्फ तारामान गुरुङ, अष्टकुमार कवे, छन्दबहादुर पहराइ मगर, नगेन्द्र कुमाल, शम्भुलाल श्रेष्ठ, भीम श्रीष, नरेन्द्र केरुङ र दिपेन श्रेष्ठ चयन भए ।

केन्द्रीय सदस्य (खसआर्य महिलातर्फ) उमा सिवाकोटी, बाला अधिकारी, मुना भुसाल, इन्दिरा कार्की, विनिता खड्का र सम्झना खत्री, खसआर्य खुलातर्फ विजय स्वार, मथुरा घिमिरे, जगदीशचन्द्र उपाध्याय, विष्णुकुमार कार्की, विश्वनाथ रिजाल, केशव भेटुवाल र कमल भुसाल निर्वाचित भएका छन् ।

केन्द्रीय सदस्य (मधेसी महिलातर्फ) अञ्जु झा, चन्द्रकलाकुमारी यादव, गोमा अन्सारी र र निलम साह, (मधेसी खुला) मा रामपल्टन शाह, नागेन्द्र शाह, राधेश्याम पाठक, सनिलकुमार यादव र रामरुप प्रसाद निर्विरोध भए । केन्द्रीय सदस्य (मुस्लिम महिला) पदमा सनम वेगम, मुस्लिम खुल्ला पदमा अब्दुल रज्जाक गद्दी र अब्दुल सत्तार, थारू महिलामा नवोदिता चौधरी र सुनिता राना, थारू खुल्लातर्फ सुरेन्द्रप्रसाद चौधरी र गोपाल दहित तथा पिछडिएको क्षेत्रतर्फ खुल्ला केन्द्रीय सदस्यमा दीपकजंग शाह निर्वाचित भए ।

काठमाडौं – कांग्रेसलाई विभाजन हुनबाट रोक्न महामन्त्री गगन थापा र विश्वप्रकाश शर्माले आठ बुँदे अन्तिम प्रस्ताव पठाएको छ । यदि यो प्रस्ताव मान्न संस्थापन पक्ष तयार भएमा कांग्रेस विभाजन हुनबाट रोकिनेछ ।

गगन–विश्वले वार्ताका लागि पठाएका आठ बुँदामा कार्यकारी भूमिकाबाट सभापति शेरबहादुर देउवा बाहिरिनुपर्ने, विशेष महाधिवेशनको स्वामित्व लिनुपर्ने, प्रधानमन्त्रीको उम्मेदवार तय गरेर जानुपर्ने, चुनावी गठबन्धन कुनै पनि दलसँग नगर्ने, टिकट वितरणका लागि सर्वस्वीकार्य संसदीय बोर्ड गठन गर्नुपर्ने, निर्वाचन केन्द्रित हुनका लागि पाँच सदस्यीय उच्चस्तरीय संयन्त्र गठन गर्नुपर्ने, उम्मेदवारको टिकटमा देउवाले हस्ताक्षर गर्न नपाउने र विशेष महाधिवेशनमा पेस भएका प्रतिवेदनहरूलाई पार्टीको पुँजीको रुपमा ग्रहण गर्नुपर्ने छन् ।

यदि यो प्रस्ताव संस्थापन पक्षले मानेमा कांग्रेसको दोस्रो विशेष महाधिवेशन नीति मात्र पारित गरेर नेतृत्व चयन नगरी सकिनेछ । कांग्रेस सग्लै रहनेछ ।

काठमाढौं । अहिलेको राजनीतिक परिदृश्य हेर्दा धेरैलाई कांग्रेस विभाजित भइसक्यो भन्ने लागेको छ । तर ठ्याक्कै त्यस्तो पनि होइन । यदि विशेष महाधिवेशन पक्षसँग बहुमत नभएको भए पुस २७ गते नै सभापति शेरबहादुर देउवाले महामन्त्री गगन थापा र विश्वप्रकाश शर्मालाई निस्कासन गरिसक्थे । तर ५४ प्रतिशत महाधिवेशन प्रतिनिधिले माग गरेको विशेष महाधिवेशन भएकाले संस्थापन पक्ष रोकिएको हो ।

यस्तो अवस्थामा पनि देउवा निकट कृष्णप्रसाद सिटौला, मोहनबहादुर बस्नेत, किशोरसिंह राठौरलगायत गगन र विश्वलाई तत्काल पार्टीबाट निकाल्नुपर्ने भन्दै उक्साइरहेका छन् । तर भोलि कुन पक्ष आधिकारिक भन्ने कानुनी लडाइँमा विशेष महाधिवेशन पक्षधरले जित्ने डरकै कारण देउवा हच्किएका हुन् । त्यही भएर जतिपटक वार्तामा बसे पनि अहिलेसम्म ठोस निकास ननिस्केको हो ।

विश्लेषकहरूले यो कदमले नेपाली कांग्रेसभित्रको गुटबन्दीलाई अझ उक्साउने र आगामी समयमा पार्टीको एकता परीक्षणमा पर्ने संकेत दिएको टिप्पणी गरेका छन्। यस्तो अवस्थामा पार्टी कार्यबाहक सभापति पूर्णबहादुर खड्का पनि खरो सुनिएका छन् । ‘हिजोजस्तो भेला भएर मात्र बस्ने अवस्था छैन, आज हामी एउटा निर्णायक कदम चाल्नेछौँ’, उनले भने, ‘अब फुटको संघारमा पार्टी पुगेको छ। निर्वाचन प्रक्रिया रोक्न आग्रह गर्दा उहाँहरुले मान्नुभएन। आज हामी चुपचाप बस्ने स्थिति होइन, केही निर्णय अवश्य हुनेछ।’

खड्काले यसो भन्दै गर्दा फेरि नयाँ ट्विस्ट आएको छ । देउवा समूहले विशेष महाधिवेशन पक्षधरबाट नयाँ प्रस्ताव आएको बताएको छ। उनीहरुले विशेष महाधिवेशन पक्षधरबाट नयाँ प्रस्ताव आएकाले त्यसमा छलफल भइरहेको बताएका छन् । देउवाले टिकटमा हस्ताक्षर नगर्ने र गगन थापालाई प्रधानमन्त्रीको भावी उम्मेदवार घोषणा गरेर जाने प्रस्ताव आएको हुँदा त्यसमा छलफल केन्द्रित रहेको बताइएको छ ।

देउवाले आफू टिकटमा हस्ताक्षर नगर्न तयार रहेको जनाउ दिनु र कार्यवाहक प्रमुख निर्वाचन आयुक्त रामप्रसाद भण्डारीले नाम फेर्ने प्रस्ताव आएमा छलफल गर्न सकिने बताउनुले कांग्रेस विभाजनमा नजाने सम्भावना पनि छ । तर अहिलेसम्म यसबारे कुनै निर्णय भएको भने छैन ।

आयोगका प्रवक्ता नारायणप्रसाद भट्टराईले अहिलेसम्म कुनै निवेदन नआएको बताएका छन् । यदि आएमा माघ ६ गते प्रत्यक्षतर्फको टिकटमा हस्ताक्षर गर्नेको नाम फेर्न सकिनेछ । त्यसो भएमा कांग्रेस पूर्णबहादुर खड्काको हस्ताक्षरमा टिकट वितरण गर्नेछ ।

कांग्रेसको यसअघिको केन्द्रीय कार्यसमितिको बैठकबाट निर्णय गरी सभापति देउवाको हस्ताक्षर निर्वाचन आयोग पठाइएको थियो । सोहीअनुसार आगामी माघ ११ गते हुने राष्ट्रियसभा निर्वाचन र फागुन २१ गते हुने प्रतिनिधिसभामा समानुपातिकतर्फको पार्टीका टिकट वितरण भइसकेको छ । अब प्रत्यक्षतर्फको मात्र टिकट वितरण हुन बाँकी छ ।

काठमाडौं । कांग्रेसलाई विभाजन हुनबाट रोक्न महामन्त्री गगन थापा र विश्वप्रकाश शर्माले आठ बुँदे अन्तिम प्रस्ताव पठाएको छ । यदि यो प्रस्ताव मान्न संस्थापन पक्ष तयार भएमा कांग्रेस विभाजन हुनबाट रोकिनेछ ।

गगन–विश्वले वार्ताका लागि पठाएका आठ बुँदामा कार्यकारी भूमिकाबाट सभापति शेरबहादुर देउवा बाहिरिनुपर्ने, विशेष महाधिवेशनको स्वामित्व लिनुपर्ने, प्रधानमन्त्रीको उम्मेदवार तय गरेर जानुपर्ने, चुनावी गठबन्धन कुनै पनि दलसँग नगर्ने, टिकट वितरणका लागि सर्वस्वीकार्य संसदीय बोर्ड गठन गर्नुपर्ने, निर्वाचन केन्द्रित हुनका लागि पाँच सदस्यीय उच्चस्तरीय संयन्त्र गठन गर्नुपर्ने, उम्मेदवारको टिकटमा देउवाले हस्ताक्षर गर्न नपाउने र विशेष महाधिवेशनमा पेस भएका प्रतिवेदनहरूलाई पार्टीको पुँजीको रुपमा ग्रहण गर्नुपर्ने छन् ।

यदि यो प्रस्ताव संस्थापन पक्षले मानेमा कांग्रेसको दोस्रो विशेष महाधिवेशन नीति मात्र पारित गरेर नेतृत्व चयन नगरी सकिनेछ । कांग्रेस सग्लै रहनेछ ।