npl.977 Nepal News Stream

#Political

Contents
Tourism Face logo Tourism Face

विशेष महाधिवेशनको निष्कर्ष : कांग्रेसको नेतृत्व गगन थापाको हातमा, नयाँ कार्यसमितिको औपचारिक सुरुआत

Tourism Face 4 hours ago

काठमाडौं । लामो समयदेखि पार्टीभित्र चल्दै आएको नेतृत्व परिवर्तन र संरचनागत रुपान्तरणको बहसलाई अन्ततः नेपाली कांग्रेसको दोस्रो विशेष महाधिवेशनले टुंग्याएको छ। काठमाडौंको भृकुटीमण्डपमा सम्पन्न महाधिवेशनबाट गगन थापा निर्विरोध सभापति चयन भएसँगै कांग्रेसले नयाँ नेतृत्व युगमा प्रवेश गरेको संकेत दिएको छ।

निर्वाचन आयोगले सभापति थापासहित सम्पूर्ण पदाधिकारी र केन्द्रीय सदस्यहरूको नाम सार्वजनिक गर्दै सबै पदमा निर्विरोध चयन भएको औपचारिक घोषणा गरेको हो। घोषणा लगत्तै सभापति थापाले शपथ ग्रहण गरेसँगै नयाँ केन्द्रीय नेतृत्वले औपचारिक रूपमा जिम्मेवारी सम्हालेको छ।

किन आयो विशेष महाधिवेशन ?

कांग्रेसभित्र अघिल्लो नेतृत्वको कार्यशैली, चुनावी असफलता र निर्णय प्रक्रियामा केन्द्रीकरण भएको आरोपसँगै विशेष महाधिवेशनको माग चर्किँदै आएको थियो। सभापति परिवर्तन र पार्टी रुपान्तरणको मुद्दा समाधान नहुँदा आन्तरिक द्वन्द्व विभाजनको तहमा पुगेपछि अन्ततः विशेष महाधिवेशन आयोजना गरिएको थियो।

त्यही पृष्ठभूमिमा युवापुस्ताको प्रतिनिधित्व गर्ने नेताका रूपमा चिनिएका गगन थापा नेतृत्वमा अघि आएका हुन्। थापाको निर्विरोध चयनलाई पार्टीभित्र परिवर्तनको साझा सहमति बनेको संकेतका रूपमा विश्लेषकहरूले हेरेका छन्।

नयाँ कार्यसमितिको संरचना

नयाँ केन्द्रीय कार्यसमितिमा उपसभापतिका रूपमा विश्वप्रकाश शर्मा र पुष्पा भुसाल चयन भएका छन्। महामन्त्रीमा प्रदीप पौडेल र गुरुराज घिमिरे चयन भएका छन्।

सहमहामन्त्रीतर्फ विविध समुदाय र क्षेत्रको प्रतिनिधित्व हुने गरी चयन गरिएको छ। महिलातर्फ डिला संग्रौला, दलिततर्फ प्रकाश रसाइली, आदिवासीतर्फ बहादुरसिंह लामा, खस–आर्यतर्फ उदय शम्शेर जबरा, मधेशीतर्फ मुक्ताकुमारी यादव, मुस्लिमतर्फ फरमुल्लाह मन्सुर, थारुतर्फ योगेन्द्र चौधरी र पिछडिएको क्षेत्रबाट कर्णबहादुर बुढा सहमहामन्त्री बनेका छन्।

आगामी चुनौती

नयाँ नेतृत्वका लागि पार्टी एकता मजबुत बनाउने, संगठन पुनर्जीवन गर्ने र आगामी निर्वाचनमा विश्वसनीय विकल्प प्रस्तुत गर्ने मुख्य चुनौती रहनेछ। विशेष महाधिवेशनले नेतृत्व परिवर्तनको ढोका खोले पनि त्यसलाई व्यवहारिक रुपान्तरणमा बदल्ने जिम्मेवारी अब गगन थापा नेतृत्वको काँधमा आएको छ।

The post विशेष महाधिवेशनको निष्कर्ष : कांग्रेसको नेतृत्व गगन थापाको हातमा, नयाँ कार्यसमितिको औपचारिक सुरुआत first appeared on Tourism Face.

Tourism Face logo Tourism Face

लामिछानेविरुद्धका दुई अभियोग हटाउने तयारी, सहकारी ठगीको मुद्दा भने कायम

Tourism Face 17 hours ago

काठमाडौं । पूर्व गृहमन्त्री रवि लामिछानेविरुद्ध विभिन्न जिल्ला अदालतमा दर्ता भएका संगठित अपराध र सम्पत्ति शुद्धिकरणसम्बन्धी अभियोग फिर्ता लिने बाटो खुलेको छ । महान्यायाधिवक्ता कार्यालयले ती अभियोगमा दायर गरिएका आरोपपत्र संशोधन गर्न सम्बन्धित सरकारी वकिलहरूलाई स्वीकृति दिएसँगै यो प्रक्रिया अघि बढेको हो ।

लामिछानेमाथि सहकारी ठगीसँग सम्बन्धित मुद्दा अनुसन्धान र सुनुवाइको क्रममा रहँदा त्यससँग जोडेर संगठित अपराध र सम्पत्ति शुद्धिकरणका अभियोगसमेत थपिएका थिए । ती अभियोग कास्की, रुपन्देही, काठमाडौं र पर्सा जिल्ला अदालतमा चलिरहेका छन् । पछिल्लो निर्णयपछि यी चारै जिल्लामा संगठित अपराध र सम्पत्ति शुद्धिकरणका अभियोग हटाइने भएका छन् ।

महान्यायाधिवक्ता सबिता भण्डारी बरालले भने, “सहकारी ठगीको मुद्दा यथावत् नै रहन्छ । संगठित अपराध र सम्पत्ति शुद्धिकरणका अभियोग मात्रै हटाउने गरी आरोपपत्र संशोधन गर्न स्वीकृति दिइएको हो ।” उनका अनुसार यसलाई सम्पूर्ण मुद्दा फिर्ता लिएको अर्थमा बुझ्न नहुने स्पष्ट पारेकी छन् ।

बुधबार चारवटै जिल्ला अदालतमा चलिरहेका अभियोगपत्र संशोधन गर्न स्वीकृति दिइएपछि कास्कीमा चलिरहेको संगठित अपराध र सम्पत्ति शुद्धिकरण दुवै अभियोग फिर्ता हुनेछन् । त्यस्तै, रुपन्देही, काठमाडौं र पर्सामा भने संगठित अपराधसम्बन्धी अभियोग हटाइनेछ ।

यसअघि नै चितवन जिल्ला अदालतमा लामिछानेविरुद्ध न त संगठित अपराध न त सम्पत्ति शुद्धिकरणसम्बन्धी मुद्दा दर्ता भएकाले त्यहाँ अभियोगपत्र संशोधनको निर्णय आवश्यक परेन ।

कानुनी र राजनीतिक वृत्तमा भने यो निर्णयलाई चासोका साथ हेरिएको छ । एकातिर सहकारी ठगीको मूल मुद्दा यथावत् रहँदा अर्कोतिर थप अभियोग हटाउने निर्णयले अभियोजनको रणनीति र राजनीतिक सन्देश दुवैमाथि प्रश्न उठाएको टिप्पणी भइरहेको छ ।

The post लामिछानेविरुद्धका दुई अभियोग हटाउने तयारी, सहकारी ठगीको मुद्दा भने कायम first appeared on Tourism Face.

Tourism Face logo Tourism Face

एमालेले काठमाडौँबाट चुनावी अभियान सुरु गर्ने

Tourism Face 21 hours ago

टुरिजमफेस
काठमाडौं । नेपाल कम्युनिष्ट पार्टी (एमाले) ले काठमाडौँबाट चुनावी अभियान सुरु गर्दैछ । एमालेको बागमती प्रदेश कमिटीले आगामी माघ ४ गते काठमाडौँमा जनप्रदर्शनसहित विशेष चुनावी अभियानको थालनी गर्न लागेको सो पार्टीका सचिव एवं प्रदेशका इञ्चार्ज महेश बस्नेतले जानकारी दिए ।

यस्तै एमालेको संशोसधत विधानअनुसार गठित राजधानी विशेष कमिटीको घोषणा र चुनावी अभियान आगामी माघ २ गते काठमाडौँमा हुने पार्टीका सचिव एवं राजधानी विशेष कमिटीका इञ्चार्ज डा राजन भट्टराईले बताए ।

एमालेको यही पुस २६ गते बसेको केन्द्रीय कमिटीको बैठकले आगामी फागुन २१ गते हुने तोकिएको प्रतिनिधिसभा सदस्य निर्वाचनका लागि देशव्यापी रूपमा अभियान सुरु गर्ने निर्णय गरेको थियो ।

The post एमालेले काठमाडौँबाट चुनावी अभियान सुरु गर्ने first appeared on Tourism Face.

Explore by Source or Category