काठमाडौं । औषधि व्यवसायीहरूले औषधि व्यवस्था विभागमा धर्ना दिएका छन् । औषधि ऐन, २०३५ को दफा ११ मा राखिएको अव्यावहारिक प्रावधान खारेज गर्नुपर्नेमा माग राख्दै उनीहरुले विभागमा धर्ना दिएका हुन् ।

आइतबार नेपाल औषधि व्यवसायी महासंघको अगुवाइमा व्यवसायीहरूले म्याद सकिनुअघि नवीकरण नगरे शतप्रतिशत जरिवाना लाग्ने र ३१औँ दिनमा इजाजतपत्र, प्रमाणपत्र स्वतः रद्ध हुने जस्ता प्रावधानहरू खारेज गर्न माग गर्दै विभाग अगाडि धर्ना दिएका हुन् ।

धर्नामा नेपाल पशुपन्छि औषधि व्यवसायी संघ, नेपाल आयुर्वेदिक औषधि व्यवसायी महासंघ, नेपाल औषधि व्यवसायी संघ र नेपाल आपूर्ति आयातकर्ता संघहरु छन् । उनीहरुले ‘हाम्रो जायज माग पुरा गर । औषधी ऐन २०३५ को दफा ११ उपदफा ५ खारेज गर’ भन्ने प्लेकार्ड प्रदर्शन गरेका थिए । बाँकी तस्विरमा हेर्नुहोस्:

काठमाडौँ । मनमोहक हिमशृङ्खलाको अवलोकन गर्दै गर्न सकिने लाङटाङ पदमार्ग काठमाडौँबाट नजिकको पदमार्ग हो । असोज र कार्तिक महिना पदयात्राको लागि राम्रो सिजन मानिन्छ ।य ही सिजनमा यो पदमार्गमा विदेशीहरु भन्दा बढी नेपालीहरु भेटिन्छन् । लाङटाङ खोला सँगसँगै अघि बढ्छ लाङटाङ पदमार्ग । बीचबीचमा अनुपम झरनाहरु पनि भेटिन्छन् । हिमश्रृङ्खलाहरुले पदमार्गमा यात्रा गर्ने पर्यटकहरूलाई आकर्षित गरिरहेको हुन्छ । 

काठमाडौँबाट नजिक पर्ने पदमार्ग भएकाले पनि लाङटाङ पदमार्गमा आन्तरिक पर्यटकको भिड लाग्ने गरेको छ । नजिकैबाट प्राकृतिक सौन्दर्यता अवलोकन र अनुभूत गर्नका लागि लाङटाङ पदमार्ग प्रसिद्ध रहेको छ ।

क्यामेराका लेन्सले सुन्दर हिमाल, झरना, नदीनाला र प्राकृतिक सौन्दर्य कैद गर्दै यात्रा गर्नु यस पदमार्गको अर्को आकर्षक पक्ष हो । एकैपटक आधा दर्जन हिमशृङ्खलाहरूको अवलोकन गर्न पाइने, क्यान्जी गुम्बाबाट वरिपरि हिउँले ढाकेका हिमाल हेर्न पाइने र सहज पदमार्ग र बसोबासका लागि पर्याप्त होटलहरू भएकाले पनि यस पदमार्गमा आन्तरिक र बाह्य पर्यटकहरुको आवागमन उस्तै देखिन्छ ।

काठमाडौँबाट जानका लागि बालाजु माछापोखरीबाट सार्वजनिक यातायात वा निजी सवारीसाधनमा जान सकिन्छ । माछापोखरीमा बिहान ६ बजेदेखि ९ बजेसम्म सार्वजनिक बस पाइन्छ । बालाजु, कलंकी, थानकोट, गल्छी, नुवाकोट धुन्चे हुँदै ६-७ घण्टामा स्याफ्रुबेंसी पुगिन्छ । त्यसपछि सुरु हुन्छ पैदलयात्रा । स्याफ्रुबेंसीदेखि ३ घण्टाको पैदल यात्रापछि ब्याम्बोमा बास बस्न सकिन्छ । तर, समय रहेमा लामा होटल वा रिइभरसाइडमा गएर बास बस्दा उपयुक्त हुन्छ ।

भोलिपल्ट उकाली ओराली गर्दै लाङटाङ वा क्यान्जिङ गुम्बा पुगिन्छ । यात्रामा लाङटाङ खोलाले साथ छोड्दैन । पहाडको चेपबाट झरिरहेका झरना, चरा चुरुङ्गीको चिरबिर-चिरबिर आवाजले मन शान्त बनाउँछ । यसरी अर्को दिन बिहानै क्यान्जिङ उपत्यकाबाट क्याजिङ री जान सहज हुन्छ । कतिपय भने क्यान्जिङ पुगेपछि यलापिक अथवा सेर्गोरीतर्फ जाने गर्दछन् । बाँकी तस्विरमा हेर्नुहोस्ः

(तस्बिरः क्षितिज तामाङ/नेपाल फोटो लाइब्रेरी)

टुरिजमफेस
म्याग्दीको बेनी नगरपालिका-९ मा रहेको नेप्टेचौर गाउँमा कालोपत्रको क्रममा रहेको बेनी-पाखापानी सडक र पृष्ठभूमिका रहेको धौलागिरि हिमाल । नेप्टेचौर गाउँको बिच भागमा सडक कालोपत्र हुन थालेपछि स्थानीयवासी उत्साहित भएका छन् । तस्बिर : रासस

The post नेप्टेचौर गाउँ र धौलागिरि हिमाल first appeared on Tourism Face.