काठमाडौँ- काठमाडौँ उपत्यकाको पश्चिम छेउमा अवस्थित दहचोकबाट आज बिहान मनोरम हिमशृंखला देखिएका छन्। माैसम खुलेसँगै टल्किएको हिउँ, घाम र आकाशको संगमले दहचोकको पहाडलाई प्राकृतिक चित्रकला जस्तै सजाइदिएको थियो।

इतिहास, संस्कृति र प्राकृतिक सौन्दर्यका संगमस्थल मानिने दहचोक फेरि हिमालको सुन्दरता साक्षी बनेको छ। गणेश, लाङटाङदेखि मनास्लु हिमशृंखलासम्मका शिखरहरू दहचोकबाट झनै नजिक र जीवन्त देखिन्छन्।

उपत्यकाको व्यस्तता छाडेर शान्ति खोज्नेका लागि दहचोकको विहानी दृश्य नै एक नयाँ ऊर्जा हो। सहर नजिकैबाट देख्न सकिने हिमालको यस्तो नजिकपन यतिबेला निकै आकर्षक बनेको छ।