लमजुङ । हिमाली जिल्ला मनाङको दुर्गम भेकका रुपमा परिचित नार्पाभूमि गाउँपालिकाको तीन वटा वडामा खटिएको निर्वाचनको टोली आज मंगलबारमात्र निर्धारित स्थानमा पुग्ने भएका छन् । पाँचवटा वडा रहेको सो पाउँपालिकाको फू गाउँमा रहेको वडानं–४ र ५ मा हिजै सोमबार निर्वाचन टोली पुगेको छ ।

पाँचवटा वडा रहेको नार्पाभूमि गाउँपालिकाको नार गाउँमा वडानं–१, २ र ३ रहेका छन् । ‘मनाङको सबैभन्दा दुर्गम वडा ती तीन वटा हुन्’ नार्पाभूमि गाउँपालिका– १ का वडाध्यक्ष फूर्पा ठेले लामाले बताए । उनका अनुसार गाउँले जनता पनि आउँदैछ, निर्वाचनमा खटिएको टोली पनि आज आइपुग्ने खबर आएको छ । उनले भने, ‘यहाँका तीनवटा वडामा खटिएको निर्वाचनको टोली हिजो नेटा आइपुगेको छ भन्ने खबर छ, सबै आज आइपुग्छ ।’

मौसम सफा रहेको र त्यस्तो समस्या हुने नदेखिएको मनाङका जिल्ला अनुगनम अधिकृत एवम् सहायक प्रमुख जिल्ला अधिकारी कृष्णप्रसाद पौडेलले बताए । उनका अनुसार अन्य पालिकाहरूमा खटिएको निर्वाचन टोली सबै ठाउँमा पुगेको छ । उनले भने, ‘जिल्लाको सबैभन्दा दुर्गम क्षेत्रमा गाउँपालिका नार्पाभूमि हो ।’ त्यो गाउँपालिकामा पाँच वटा वडा छन् र मतदान स्थल पनि पाँच वटै छन् । वडानं ४ र ५ मा खटिएको टोली भरखरै निर्धारित स्थलमा पुगेको जानकारी आएको उनको भनाइ छ । बाँकी तीनवटा वडाका लागि खटिएको टोली आज मंगलबार विहान खाना खान आइपुग्छ भन्ने छ उनले उल्लेख गरे ।

नार्पाभूमि गाउँपालिकाका पाँचै वडाको कुल मतदाता संख्या ४८८ रहेको छ मनाङका जिल्ला अनुगनम अधिकृत पौडेलले जानकारी दिए । उनका अनुसार मौसम ऐलेसम्म ठीक छ, हिउँ पग्ली सकेको छ, बाटो हिड्न कुनै समस्या छैन । निर्वाचनका लागि खटिएको टोलीका लागि लग्नु पर्ने खाद्य ान्न बोकेको टोली पाँचवटै वडामा पुग्यो भन्ने खबर छ मनाङका जिल्ला अनुगनम अधिकृत पौडेल भन्छन् । उनका अनुसार यो समाचार तयार गर्दासम्म आचारसंहिता उल्लंघनको एउटै पनि उजुरी परेको छैन ।

मनाङ जिल्लामा कुल मतदाता संख्या सात हजार रहेको छ । मतदान स्थल २८ वटा रहेका छन् भने एक अस्थायी मतदान केन्द्र रहेको छ । चार गाउँपालिका रहेको मनाङ जिल्लामा नासो र मनाङ निसाङ गाउँपालिकामा ९–९ वटा केन्द्र रहेका छन् । जिल्ला सदरमुकाम रहेको चामे र जिल्लाको दुर्गम भेकमा रहेको नार्पाभूमि गाउँपालिकामा ५–५ वटा मतदान केन्द्र रहेका छन् । अस्थायी मतदान केन्द्र जिल्ला सदरमुकाम चामेमा रहेको जिल्ला अनुगनम अधिकृत एवम् सहायक प्रमुख जिल्ला अधिकारी कृष्णप्रसाद पौडेलले जानकारी दिए ।

मनाङमा तीन दलहरू नेपाली काँग्रेस, नेपाली कम्युनिष्ट पार्टी र मंगोल नेसनल अर्गनाइजेसन मात्र चुनावी मैदानमा छन् । नेपाली काँग्रेसबाट टेकप्रसाद गुरुङ उम्मेदवार बनेका छन् । नेपाली कम्युनिष्ट पार्टीबाट यशोदा सुवेदी गुरुङको चुनावी मैदानमा छन् भने मंगोल नेसनल अर्गनाइजेसनबाट रामबहादुर गुरुङ उम्मेदवार बनेका छन् ।

The post मनाङको दुर्गम पालिकाको तीन वडामा आज मंगलबारमात्र निर्वाचन टोली पुग्ने appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....