सिन्धुली । आइतबार विहान बस र मोटरसाईकल ठोक्किँदा एक जनाको मृत्यु भएको छ भने एकजना गम्भिर घाईते भएका छन् । मदन भण्डारी राजमार्ग अन्तर्गत दुधौली नगरपालिका वडा नं.२ गागनमा पोखराबाट कटारीतर्फ जाँदै गरेको बा ३ ख ७४६२ नम्बरको बस र डकाहाकाट झुँगातर्फ जाँदै गरेको ज८प८१६४ नम्बरको मोटरसाइकल ठोक्किएको हो ।

दुर्घटनामा परि दुधौली नगरपालिका ३ बस्ने २५ वर्षिय महेश कुमँरको मृत्यु भएको छ भने कमलामाई नगरपालिका १४ चन्दनपुर बस्ने २६ वर्षिय दिपेश कुमँर गम्भिर घाईते भएका छन् ।

जिल्ला प्रहरी कार्यालय सिन्धुलीका डिएसपी सूर्य प्रकाश सुवेदीका अनुसार महेशको उपचारका क्रममा दुधौली नगर अस्पतालमा मृत्यु भएको हो भने घाईते भएका दिपेश कुमँरलाई दुधौली नगर अस्पतालमा उपचारपछि थप उपचारका लागि न्युरो अस्पताल विराटनगर लगिएका छ ।

बस चालक उदयपुर कटारी नगरपालिका ३ बस्ने ३२ वर्षिय श्याम कुमार भट्टराई फरार रहेका छन् । उनको खोजी कार्य भइरहेको डिएसपी सुवेदीले बताए ।

The post मदनभण्डारी राजमार्गमा बस र मोटरसाइकल ठोक्कियो, एक जनाको मृत्यु appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....