काठमाडौँ- नेपाली कांग्रेसको गगन थापा समूह आधिकारिकता खोज्दै आज निर्वाचन आयोग जाने भएको छ ।

सभापतिमा निर्वाचित भएसँगै बिहीबार बिहान नेता कार्यकर्तालाई सम्बोधन गर्दै थापाले बिहीबार निर्वाचन आयोग जाने बताएका थिए ।

उनले यसअघि नै पनि आयोगमा विशेष महाधिवेशनको विषयमा आयोगमा जानकारी गराइसकेको बताए । थापाले निर्वाचन आयोग कुनै अवैध शक्तिको प्रभावमा नपर्ने विश्वास व्यक्त गरे । उनले आफू नेतृत्वको कार्यसमिति नै कांग्रेसको वैधानिक समिति भएको जिकिर गर्दै आफूहरूले नै वैधानिकता पाउनुपर्ने दाबी गरे ।

काठमाडौँ- नेपाली कांग्रेस विभाजित भएपछि आधिकारिक कुन समूह हुने अन्योलता छ। बुधबार शेरबहादुर देउवा र गगन थापा विभाजित भएपछि दुवै कांग्रेसले आफू आधिकारिक भएको दाबी गर्दै आएका छन्। यही कारण कांग्रेस पार्टी केन्द्रीय कार्यालय सानेपामा सभापति शेरबहादुर देउवा पक्षका तरुण दलले रातभर रुगेको छ।

कारबाहीमा परेका गगन थापा, विश्वप्रकाश शर्माको समूहले पार्टी कार्यालय कब्जा गर्ने भयले तरुण दलका नेता कार्यकर्ताहरू पार्टी कार्यालयमै आगो तापेर बसेका छन् । हिजै थापा नेतृत्वमा नयाँ कांग्रेस कार्यसमिति गठन भएको छ। तर देउवा नेतृत्व विशेष महाधिवेशनलाई मान्न तयार छैन।

काठमाडौँ- नेपाली कांग्रेसको विशेष महाधिवेशनमा नयाँ नेतृत्वको लागि उम्मेदवारी दर्ता सकिएको छ। सभापति पदका लागि गगन थापाको उम्मेदवारी परेको छ। निर्वाचन समितिका अनुसार केही समयपछि उम्मेदवारहरूको नाम सार्वजनिक गरिने छ। अन्य पदमा ककसको उम्मेदवारी पर्‍यो खुलाइएको छैन।

समितिका अनुसार सहमहामन्त्रीमा बहादुर सिंह लामाको उम्मेदवारी परेको छ। बागमती प्रदेशका पूर्वमुख्यमन्त्री लामा यसअघि कांग्रेस संस्थापन खेमाका मानिन्थे। उनले शेरबहादुर देउवा निकट भएकै कारण मुख्यमन्त्री पनि पाए। तर बागमतीका अर्का नेता इन्द्रबहादुर बानियाँले मुख्यमन्त्री बन्ने भएपछि उनीहरूबीच विवाद भएको थियो।

दुवै संस्थापन खेमाका भए पनि देउवाले बहादुरलाई राजीनामा गराएर बानियाँलाई मुख्यमन्त्री बनाएका थिए। तिनै बहादुर अहिले विशेष महाधिवेशनमा सहमहामन्त्री उठेका छन्। यो महाधिवेशनमा कांग्रेस संस्थापन पक्षधर नेताहरूको भने सहभागिता छैन। विशेष महाधिवेशनको साटो वैशाखमा १५ औँ महाधिवेशन गर्नुपर्ने अडानमा थिए।

आज बिहान पनि संस्थापन र विशेष महाधिवेशन पक्षधरबीच छलफल चले पनि बैठक निष्कर्षमा पुगेन।

काठमाडौँ- नेपाली कांग्रेसको विशेष महाधिवेशनमा महामन्त्री गगन थापाको सभापति पदमा उम्मेदवार भएका छन्। उनी निकट नेताहरूका अनुसार सभापतिमा उनीबाहेक अन्य कसैको उम्मेदवारी पर्ने सम्भावना छैन।

अन्य सबै पदमा उम्मेदवारी परिसकेको छ। तर ककसको परेको निर्वाचन समितिले खुलाएको छैन। एक नेताका अनुसार उपसभापतिमा विश्वप्रकाश शर्मा र महामन्त्रीमा प्रदीप पौडेलको सम्भावना छ।

कांग्रेसको विशेष महाधिवेशन भृकुटीमण्डपमा जारी छ। पार्टी संस्थापन पक्षका नेताले सहभागी छैनन्। सभापति देउवासँग बिहानसम्म वार्ता गर्दा समेत बैठक निष्कर्षमा पुग्न सकेन।