काठमाडौं । ‘अभिमन्यु : च्याप्टर–१’ मंसिर १८ गते नेपाली र हिन्दी दुवै भाषामा नेपालभर एक साथ प्रदर्शनमा आउँदै छ । लामो समयदेखि स्थगित हुँदै आएको यो सिनेमा अन्ततः प्रदर्शनमा आउन लागेपछि दर्शकमाझ उत्सुकता बढेको छ । केही संयोगहरूबीच रिलिज हुने ‘अभिमन्यु : च्याप्टर–१’ किन हेर्ने ? भन्ने प्रश्नमा केही जवाफ छन् । पहिलो कारण– यो सिनेमा कामेश्वर चौरसियाको पहिलो लिड रोल रहेको चलचित्र हो । दुई दशक चलचित्रमा काम गरेपछि उनले पहिलोपटक सोलो लिडको अवसर पाएका छन् । त्यसैले आफूलाई प्रमाणित गरेर देखाउन पनि उनले कडा मेहनत गरेका छन् ।
एजेन्सी । चर्चित भारतीय टिभी रियालिटी शो ‘बिग बोस सिजन १९’ लगभग सकिने संघारमा छ । केही दिनमा ग्रान्ड फिनाले आयोजना हुनेछ र एकजनाले उपाधि जित्नेछन् । उपाधिका लागि प्रतियोगी एकापसमा भिडिरहेको देखिन्छ । घरभित्रको वातावरण तनावपूर्ण बन्दै गइरहेको छ, प्रतियोगीले आफ्नो यात्रा फलदायी बनाउन कुनै कसर बाँकी राखेका छैनन् । निर्माता अन्तिम चरणलाई रोमाञ्चक, मनोरञ्जनात्मक र रोमाञ्चक बनाउन व्यस्त छन् । अन्सुर कौर बाहिरिएपछि ‘बिग बोसमा अहिले ७’ जना फाइनलिस्ट छन । ती फाइनलिस्ट हुन्- तान्या मित्तल, गौरव खन्ना, अमाल मल्लिक, प्रणित मोरे, फरहाना भट्ट, मालती चाहर र शहबाज बदेशा ।
एजेन्सी । सुपरस्टार सलमान खान र बलिउड आइकन माधुरी दीक्षित बिग बोस १९ को साप्ताहिक छायांकनका लागि पुग्दा माहोल उत्साहजनक बनेको छ । उनीहरूको उपस्थितिले स्टुडियो बाहिर भेला भएका चालक दल र प्रशंसकहरूमा उत्साह छाएको थियो । धेरै सिजनदेखि कार्यक्रम होस्ट गर्दै आएका सलमान खान आफ्नो सिग्नेचर शैलीमा आइपुगेका थिए । व्यापक रूपमा हेरिएको रियालिटी शृङ्खलालाई केन्द्रित गर्ने उच्च ऊर्जा व्यक्तित्व भएका कारण यस पटक उनको उपस्थितिले निकै तारिफ पनि पाएको छ । त्यस्तै माधुरी दीक्षितले यस हप्ताको एपिसोडमा नयाँ स्पार्क थप्दै विशेष खण्डको लागि उनीसँग सामेल भएकी हुन् ।
काठमाडौं । हास्य कलाकार अर्जुन घिमिरे (पाँडे) को डेव्यु निर्देशनमा निर्माण भएको सिनेमा ‘झरीपछिको इन्द्रिणी’को पोस्टर सार्वजनिक गरिएको छ । आइतबार सार्वजनिक सिनेमाको पोस्टरमा सिनेमाका सवैजसो मुख्य पात्रलाई क्यारेक्टर लुक्समा प्रस्तुत गरिएको छ । नागराज इन्टरटेन्मेन्ट प्रालिले निर्माण गरेको सिनेमाबाट अभिनेता गणेश उप्रेती लामो समयपछि कमव्याक गर्दैछन् । यो सिनेमा छायांकनका लागि उप्रेती अमेरिकाबाट नेपाल फर्किएका थिए । सिनेमामा गणेशसहित रमेश उप्रेती, प्रकाश घिमिरे, दीपाश्री निरौला, सरिता गिरी, देशभक्त खनाल, निर्मल शर्मा, कृष्ण शिवाकोटी, कृष्णभक्त महर्जन, अर्जुन घिमिरे (पाँडे), प्रियना आचार्य (मुन्नी), अंशु महर्जन, राजेन्द्र नेपाली, लक्षणा राईको अभिनय छ ।
एजेन्सी । अभिनेत्री मलाइका अरोराले शनिबार राति डिजाइनर ड्रेसमा र्याम्प वाक गरिन् । ५२ वर्षीया अरोरा रातो पहिरनमा सजिएर र्याम्प वाक गर्दा निकै सुन्दरी देखिएकी थिइन् । फ्यानहरूले उनको लुक्स, स्टाइल र वाकको निकै तारिफ गरेका छन् । यही कार्यक्रमको ब्याकस्टेजमा मलाइको भेट सलमान खानकी प्रेमिकाको रुपमा चर्चित युलिया वन्तुरसँग भएको छ । र्याम्प वाक सकेर ब्याक स्टेज जाँदा उनको भेट वन्तुरसँग आकस्मिक भएको हो । उक्त भेटको भिडियो अहिले सामाजिक सञ्जालमा भाइरल भइरहेको छ । भेटलाई लिएर सामाजिक सञ्जाल प्रयोगकर्ताहरूले विभिन्न प्रतिक्रिया दिइरहेका छन् ।
काठमाडौं । नेपाली चलचित्र ‘रमिता को पिरति’को अफिसियल टिजर युट्युबमार्फत सार्वजनिक गरिएको छ। टिजरमा अभिनेत्री अन्ना शर्मा, धिरज मगर, समिर श्रेष्ठ र विनय श्रेष्ठको मुख्य भूमिका देख्न सकिन्छ। लोकप्रिय गायक समिर श्रेष्ठले यसै फिल्मबाट आफ्नो अभिनय यात्रा सुरु गर्दै मुख्य भूमिकामा देखिएका छन्। टिजरमा अन्ना शर्मालाई प्रेम, रोमाञ्च, खुशी, दुःखदेखि हृदयवेदना सम्मका विभिन्न भावनात्मक अवस्थाहरूमा देखाइएको छ, जसले फिल्मले एउटा युवतीको गहिरो कथा बोकेको संकेत गर्छ। टिजर हेर्दा फिल्म केही फरक लाग्छ । एक यूवतीको मनोविज्ञानलाई फिल्मले बोलेको देख्न सकिन्छ । सेरो फिल्मस्को प्रस्तुतिमा यो फिल्म तयार भएको हो ।
एजेन्सी । वरिष्ठ कन्नड कलाकार ‘मैसुरू’ श्रीकान्तय उमेशको ८० वर्षको उमेरमा निधन भएको छ। लामो समयदेखि क्यान्सरसँग संघर्ष गरिरहेका उमेशले भारतको बेंगलुरूस्थित एक अस्पतालमा उपचाररतै आइतबार अन्तिम सास लिए। सन् १९४५ अप्रिल २४ मा मैसुरूमा जन्मिएका उमेशले ४ वर्षको उमेरमै रंगमञ्चबाट अभिनय यात्रा थालनी गरेका थिए। अभिनयप्रति उनको समर्पण यति गहिरो थियो कि पाँच दशकको लामो यात्रामा उनले ३५० भन्दा बढी कन्नड फिल्महरूमा आफ्नो छाप छोडे।
Sutra News