एजेन्सी – रियल म्याड्रिडले ला लिगाको शीर्षस्थानमा रहेको बार्सिलोनासँगको अंक दूरी घटाउने मौका गुमाएको छ।

सान्टियागो बर्नाबेउमा भएको खेलमा गेटाफेले रियलमाथि १–० को अप्रत्याशित जित निकालेको छ। ३९ औं मिनेटमा मार्टिन सात्रियानोले भलीमार्फत गरेको गोल खेलको निर्णायक बन्यो। उनको बल रियलका गोलरक्षक थिबाउट कुर्टुआले रोक्न सकेनन्।

ला लिगमा रियलको यो लगातार दोस्रो हार हो । २६ खेलपछि रियल बार्सिलोनाभन्दा ४ अंकले पछाडि छ। दुवै टोलीले समान २६ खेल खेलेका छन्।

रियल यो खेलमा पनि किलियन एमबाप्पे बिना मैदान उत्रिएको थियो। उनी घुँडाको चोटका कारण मैदान बाहिर छन्। साथै जुड बेलिङ्घम पनि चोटका कारण खेल्न सकेनन्।

रियलले खेलभरि आक्रमण गरे पनि गेटाफेका गोलरक्षक डेभिड सोरियाले उत्कृष्ट प्रदर्शन गर्दै गोल हुन दिएनन्। भिनिसियस जुनियर ले राम्रो मौका पाए पनि गोल गर्न सकेनन्।

इन्जुरी समयमा रियलका फ्रान्को मास्तान्तुओनो ले रेफ्रीसँग विवाद गरेपछि रातो कार्ड पाए। गेटाफेका आद्रियन लिसो पनि दोस्रो पहेँलो कार्ड खाँदै मैदानबाट बाहिरिए। रियलले अब शुक्रबार सेल्टाभिगो सँग खेल्नेछ।

The post रियल म्याड्रिड पराजित first appeared on हाम्रो खेलकुद.