काठमाडौं ।

बिलिङ प्रणालीमा पटक पटक समस्या देखिएपछि नेपाल टेलिकमले पुनः प्रणाली बाइपास गरेर सेवा सञ्चालन गरेको पाइएको छ । सोमबार र मंगलबार दुईपटक आएको प्राविधिक समस्याका कारण टेलिकमको डेटा सेवा प्रभावित बनेको थियो ।
पुस २८ गते बिहान १०ः३० देखि ११ः०० बजेसम्म र पुस २९ गते दिउँसो १ः२२ देखि १ः५० बजेसम्म बिलिङ प्रणालीमा समस्या आएपछि देशभर डेटा सेवा अवरुद्ध भएको थियो ।

समस्या तत्काल समाधान हुन नसकेपछि टेलिकमले मंगलबार दिउँसो करिब ३ बजेसम्म बिलिङ प्रणाली बाइपास गरी सेवा सञ्चालन गरिएको टेलिकम स्रोतले जानकारी दियो । सो अवधिमा प्रयोगकर्ताहरूले डेटा सेवा निःशुल्क प्रयोग गर्न पाएका कारण टेलिकमको आम्दानीमा उल्लेख्य क्षति पुगेको बताइएको छ । साथै उपभोक्ताले समेत सास्ती भोग्नु परेको थियो ।

बिलिङ प्रणालीमा आएको प्राविधिक गडबडीका कारण लाखौँ प्रयोगकर्ताहरू केही समय सेवाबाट वञ्चित बनेका थिए । टेलिकममा यस्तो समस्या नयाँ भने होइन । यसअघि पनि पटक–पटक बिलिङ प्रणालीमा समस्या आउँदा सेवा अवरुद्ध हुँदै आएको छ । त्यसलाई हटाउन टेलिकमले अस्थायी रूपमा प्रणाली बाइपास गर्ने अभ्यास गर्दै आएको छ ।

तथ्यांकअनुसार सन् २०२४ भरि पुरानो बिलिङ प्रणालीले सेवा धान्न नसक्दा टेलिकम १७ पटकसम्म डाउन भएको थियो । त्यस्तै सन् २०२५ मा पाँचपटक सेवा प्रभावित भएको थियो, जसअन्तर्गत जनवरी ४, जुलाई २८, सेप्टेम्बर २५ मा दुईपटक र डिसेम्बर २ मा समस्या देखिएको थियो । सन् २०२६ को पहिलो महिनामै दुईपटक यस्तै समस्या दोहोरिसकेको छ ।

पटक–पटक सेवा अवरुद्ध हुँदा पनि समस्याको मूल कारण पत्ता लगाएर दीर्घकालीन समाधान निकाल्न टेलिकम असफल देखिएको छ । समस्या आउनासाथ बिलिङ प्रणाली बाइपास गरेर सेवा दिने प्रवृत्तिकै कारण यस्तो अवस्था दोहोरिँदै आएको सरोकारवालाहरूको भनाइ छ ।

लामो समयदेखि बिलिङ प्रणाली अपग्रेड वा नयाँ प्रणाली खरिद गर्ने योजना टुंगोमा नपुग्दा टेलिकमको सेवा गुणस्तर प्रभावित हुँदै आएको छ । बारम्बारको नेटवर्क डाउन र प्राविधिक समस्याले कम्पनीको आम्दानी मात्र होइन, ग्राहक तथा सरोकारवालामाझ टेलिकमको विश्वसनीयतामा समेत गम्भीर असर पारिरहेको छ ।

काठमाडौँ। गृहमन्त्री ओमप्रकाश अर्यालले भूकम्पीय क्षति घटाउन पूर्वतयारी आवश्यक भएको बताएका छन्।

यहाँ आज भूगोल पार्कमा आयोजना गरिएको २८औँ भूकम्प स्मृतिसभामा उनले विपद्को सामना गर्न अन्तरसरकार समन्वय बढाउँदै लैजानुपर्नेमा जोड दिए।

गृहमन्त्री अर्यालले स्थानीय सरकारबाट भएका प्रयासलाई संस्थागत गर्दै लैजानुपर्ने बताए । “आपसी अभ्यास र सिकाइले क्षमता बढाउन सक्छ,” उनले भने, “नागरिक सचेतना र उत्थानशील सहरका आधारभूत सूचकको कार्यान्वयनमा क्षमता बढाउँदै लैजानुपर्छ ।”

सभाका अध्यक्ष एवं काठमाडौँ महानगरपालिकाका उपप्रमुख सुनिता डङ्गोलले समुदायको क्षमतालाई विपद् पूर्वतयारी, खोज उद्धार, पुनःस्थापना र पुनर्लाभको औजार बनाउनुपर्ने बताए।

“विपद्का समयमा पहिलो उद्धारकर्ता तथा सहजकर्ता समुदाय नै हो”, उनले भने, “महानगरपालिकालाई विपद् उत्थानशील सहर बनाउन अन्तरसरकार समन्वय, आपसी ज्ञान र सीपको आदान प्रदान तथा एकीकृत योजना पहिलो सर्त हो। यसका लागि मिलेर काम गरौँ।”

कार्यक्रममा कामपाका विपद् व्यवस्थापन समितिका संयोजक प्रेम थापाले भने, “प्रतिरोधी संरचना निर्माण गर्न रैथाने सीपको प्रयोग हुन सक्छ। हाम्रा प्राचीन संरचनाले ठूला भूकम्पको कम्पन थेगेका छन्। यो सिपलाई प्रवद्र्धन गरौँ।”

कार्यक्रममा नेपाली सेना, नेपाल प्रहरी, सशस्त्र प्रहरीका अधिकारीहरु, महानगरपालिकाका नगर सभा सदस्यहरु, विभागीय प्रमुखहरु, विपद् व्यवस्थापनमा सक्रिय गैरसरकारी तथा सामाजिक सङ्घसंस्थाका प्रतिनिधिहरु सहभागी थिए। ‘सबै तहका सरकार, सबै नागरिकको तयारीः भूकम्प उत्थानशील नेपाल, अवको जिम्मेवारी’ भन्ने नारासहित दिवस मनाइएको हो।

विसं १९९० माघ २ गते र त्यसपछिका विनाशकारी भूकम्पबाट भएको क्षति अबका पुस्ताले व्यहोर्नु नपरोस् भनेर सजग गराइराख्न यो दिवस मनाउने गरिएको छ।

विगतका विनाशकारी भूकम्पले सिकाएको पाठबाट सुरक्षित बस्ती निर्माणमा पुस्तालाई सहभागी गराउने उद्देश्य राखेर २०५५ सालदेखि हरेक वर्ष माघ २ गते भूकम्प सुरक्षा दिवस मनाउन थालिएको हो।

भूकम्पलाई विज्ञानसँग जोडेर २०५७ सालसम्म विज्ञान तथा प्रविधि मन्त्रालयले कार्यक्रम आयोजना गरेको थियो। विसं २०५८ देखि गृहमन्त्रीको संयोजकत्वमा मूल समारोह समिति गठन गरी दिवस मनाउन थालिएको हो।

हुम्ला । जिल्लामा ट्रयाक्टर दुर्घटना हुँदा चालकको घटनास्थलमै मृत्यु भएको छ ।

हुम्लाको दक्षिणी भेगमा पर्ने अदानचुली गाउँपालिका-२ स्थित ठूला खोला भन्ने ठाउँमा भे२त २०५५ नम्बरको ट्रयाक्टर दुर्घटना हुँदा सुम्ला घर भएका अन्दाजी ३० वर्षीय नगेस रावलको घटनास्थलमै मृत्यु भएको जिल्ला प्रहरी कार्यालयका प्रमुख एवं प्रहरी नायब उपरीक्षक शंकर खड्काले जानकारी दिए ।

उनका अनुसार बिहिवार साँझ साढे ५ बजेको समयमा गल्फागाड श्रीनगर सडकखण्डका लागि ढुंगा ओसार्ने क्रममा ठूलाखोलामा सडकबाट करिब एक सय मिटर तल ट्रयाक्टर खसेर दुर्घटना भएको हो । घटनाको वास्तविक कारण भने अनुसन्धान भइरहेको उनले बताए।

कर्णाली करिडोरको गल्फागाडबाट श्रीनगरसम्म करिब नौ किलोमिटर सडक कालोपत्र गर्ने काम भइरहेको छ । उक्त सडक निर्माणको लागि ढुंगा ओसारिरहेको ट्रयाक्टर दुर्घटनामा परेको हो ।

नेपाली कांग्रेसको विशेष महाधिवेशनसँगै त्यसको कानुनी वैधताको पाटो सल्टिन बाँकी छ। तर, यसले राजनीतिक वैधता प्राप्त गरिसकेको छ। विधानतः महाधिवेशन समयमै नगर्न राखिएका दुराशय, त्यस अवस्थामा निर्विकल्प बनेको विशेष महाधिवेशन, जसमा बहुसंख्यक महाधिवेशन प्रतिनिधिको उपस्थिति तथा सर्वसम्मत नेतृत्व चयनले यसको का

काठमाडौं।  आज २०८२ साल माघ २ गते शुक्रबार तदनुसार सन् २०२६ जनवरी १६ तारिख। माघ कृष्ण पक्षको त्रयोदशी तिथि। राष्ट्रिय भुकम्प सुरक्षा दिवस/प्रदोष व्रत। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ।

मेष: आज आत्मविश्वास बढ्ने दिन हो। काममा नयाँ अवसर देखिन सक्छ। परिवारको साथले मन खुसी रहनेछ। आर्थिक पक्ष सामान्य रहनेछ। स्वास्थ्यमा थोरै ध्यान दिनुहोस्।

वृष: धैर्यले काम गर्दा सफलता मिल्नेछ। अधुरो काम पूरा हुने सम्भावना छ। आफन्तसँगको सम्बन्ध बलियो हुनेछ। अनावश्यक खर्चबाट जोगिनुहोस्। मन शान्त राख्ने प्रयास गर्नुहोस्।

मिथुन: आज संवादले ठूलो भूमिका खेल्नेछ। कामकाजमा प्रशंसा पाउन सक्नुहुन्छ। साथीभाइसँग भेटघाट हुनेछ। नयाँ योजना बनाउन समय राम्रो छ। स्वास्थ्य सामान्य रहनेछ।

कर्कट: भावनामा बहकिने सम्भावना छ। परिवारका कुरा ध्यान दिएर सुन्नुहोस्। काममा धैर्य आवश्यक रहनेछ। आर्थिक लेनदेन सोचेर गर्नुहोस्। विश्रामले फाइदा पुग्नेछ।

सिंह: नेतृत्व क्षमताले सफलता दिलाउनेछ। काममा जिम्मेवारी बढ्न सक्छ। आत्मसम्मानमा वृद्धि हुनेछ। सानो यात्रा सम्भव छ। स्वास्थ्यमा ऊर्जा महसुस हुनेछ।

कन्या: आज योजना अनुसार काम अघि बढ्नेछ। साना गल्ती सुधार्ने अवसर मिल्नेछ। काममा ध्यान केन्द्रित गर्नुस्। खर्च नियन्त्रणमा रहनेछ। स्वास्थ्यमा सुधार देखिनेछ।

तुला: सन्तुलन कायम राख्नुपर्ने दिन हो। काम र परिवार दुवै सम्हाल्नुपर्नेछ। सहकार्यबाट लाभ मिल्नेछ। आर्थिक पक्ष स्थिर रहनेछ। मन प्रसन्न रहनेछ।

वृश्चिक: आज निर्णय गर्दा सतर्क रहनुहोस्। गोप्य कुरा बाहिर नल्याउनु राम्रो। काममा प्रतिस्पर्धा बढ्न सक्छ। धैर्यले फाइदा दिलाउनेछ। स्वास्थ्यमा थकान महसुस हुन सक्छ।

धनु: आशावादी सोचले सफलता ल्याउनेछ। नयाँ सिकाइको अवसर मिल्नेछ। काममा उत्साह बढ्नेछ। साथीको सहयोग प्राप्त हुनेछ। स्वास्थ्य राम्रो रहनेछ।

मकर: परिश्रमको फल पाइने समय हो। काममा जिम्मेवारी बढ्न सक्छ। आर्थिक सुधारको संकेत छ। परिवारसँग समय बिताउनु लाभदायक। स्वास्थ्यमा सामान्य ध्यान दिनुहोस्।

कुम्भ: नयाँ विचारले मन उत्साहित हुनेछ। काममा परिवर्तनको संकेत देखिन्छ। सामाजिक काममा रुचि बढ्नेछ। आर्थिक निर्णय सोचेर लिनुहोस्। स्वास्थ्य ठीक रहनेछ।

मीन: आज भावना प्रबल रहनेछ। सृजनात्मक काममा सफलता मिल्नेछ। आफन्तको सहयोग प्राप्त हुनेछ। अनावश्यक चिन्ता नगर्नुहोस्। स्वास्थ्यमा आराम आवश्यक छ।

राशिफल जे जस्तो भएपनि तपाईंको दिन शुभ रहोस् ।