काठमाडौँ । कालीमाटी फलफूल तथा तरकारी बजार विकास समितिले आजका लागि विभिन्न कृषिउपजको थोक मूल्य निर्धारण गरेको छ ।

समितिका अनुसार गोलभेँडाको मूल्य प्रकारअनुसार फरक–फरक रहेको छ । ठूलो भारतीय गोलभेँडा प्रतिकिलो रु १०५, सानो लोकल रु ६५, सानो टनेल रु ९५, सानो भारतीय रु ८५ र तराईको सानो गोलभेँडा रु ९० कायम गरिएको छ। आलु रातो प्रतिकिलो रु ३२ र भारतीय आलु रु २७ रहेको छ भने सुकेको भारतीय प्याज प्रतिकिलो रु ४६ तोकिएको छ ।

तरकारीतर्फ गाजर लोकल रु ७० र तराईको रु ६०, बन्दा लोकल रु ८०, तराई रु ५५ र नरिबल रु ६० छ। काउली स्थानीय रु १२०, ज्यापू रु १४० र तराईको रु १०० छ। रातो मूला रु ४०, सेतो मूला लोकल रु २२ र हाइब्रिड रु २८, भन्टा लाम्चो रु ७० र डल्लो रु ८० निर्धारण गरिएको छ ।

मटरकोसा रु ७०, घिउ सिमी लोकल रु १४०, हाइब्रिड रु १२० र राजमा रु ९०, टाटे सिमी रु १००, तिते करेला रु १८०, लौका रु ९०, परबर तराई रु २४०, घिरौँला रु ११०, फर्सी पाकेको रु ५०, हरियो फर्सी लाम्चो रु ५० र डल्लो रु ५५, भिन्डी रु १२०, सखरखण्ड रु ७०, पिँडालु रु ६५ र स्कुस रु ९० कायम गरिएको छ ।

सागसब्जीमा रायोसाग रु ४५, पालुङ्गो रु ८०, चमसुर रु ८०, तोरीको साग रु ५०, हरियो प्याज रु ५०, बकुला रु १००, तरुल रु ८० रहेको छ । च्याउतर्फ कन्य च्याउ रु १४०, डल्ले रु ४००, राजा च्याउ रु ३००, सिताके च्याउ रु १,००० र कुरिलो प्रतिकिलो रु २,०५० तोकिएको छ ।

फलफूलतर्फ स्याउ झोले रु २८० र फुजी रु ३८०, केरा (दर्जन) रु १८०, कागती रु १००, अनार रु ३५०, नेपाली सुन्तला रु १४०, मौसम र जुनार रु १२०, भुइँकटहर प्रतिगोटा रु १५५, स्ट्रबेरी रु ५००, किबी रु ३०० र एभोकाडो रु ३५० निर्धारण गरिएको छ ।

मसलाजन्य वस्तुमा अदुवा रु १००, अमला रु ८०, सुकेको खुर्सानी रु ४२०, हरियो खुर्सानी रु १२०, अकबरे रु ६५०, लसुन सुकेको नेपाली रु १६० र चाइनिज रु २८० कायम गरिएको छ ।

माछातर्फ सुकेको माछा प्रतिकिलो रु १,०००, ताजा रहु माछा रु ३४०, बचुवा रु २८० र छडी माछा रु २५० तोकिएको कालीमाटी बजार विकास समितिले जनाएको छ ।