काठमाडौं । संयुक्त अरब इमिरेट्स (युएई) मा जारी एसिसी पुरुष यु-१९ प्रिमियर कप क्रिकेटको उपाधिका लागि नेपाल र आयोजक युएईबीच प्रतिस्पर्धा हुने भएको छ । उपाधिका लागि सोमबार बिहान १०ः३० बजे अजमानस्थित करवान मैदानमा खेल हुनेछ ।

नेपालले मलेसियालाई नौ विकेटले हराएर उपाधि नजिक पुगेको हो । युएईले भने ओमानलाई आठ विकेटले पराजित गर्दै फाइनलमा स्थान सुरक्षित गरेको हो । नेपाल र युएई एसिया कप खेल्नका लागि भने छनोट भइसकेका छन् । प्रतियोगिताको फाइनलमा पुग्ने दुवै टोली सिधै एसिया कपमा छनोट हुने प्रावधान छ ।

सेमिफाइनलमा पराजित हुने टोलीबीच तेस्रो स्थानका लागि खेल हुने र तेस्रो स्थान हासिल गर्ने टोली पनि एसिया कपमा पुग्ने नियम छ । तेस्रो स्थानका लागि सोमबार मलेसिया र ओमान खेल्नेछन् । प्रतियोगितामा १४ टोलीको सहभागिता थियो । यु-१९ एसिया कप आगामी डिसेम्बरमा युएईमा हुँदैछ ।

The post एसिसी यु-१९ प्रिमियर कपः नेपाल र युएईबीच उपाधि भिड्न्त appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....

कीर्तिपुर । सिद्धार्थ बैंक नेपाल प्रिमियर लिग (एनपिएल) क्रिकेटमा लगातार पाँच खेल जित्दै सुदुरपश्चिम रोयल्सले प्लेअफमा स्थान बनाएको छ । कीर्तिपुरस्थित त्रिवि अन्र्तराष्ट्रिय क्रिकेट मैदानमा साविक विजेता जनकपुर बोल्ट्सलाई ६ विकेटले हराउँदै सुदूरपश्चिमले लिग चरणका दुई खेल बाँकि छदै प्लेअफमा स्थान बनाएको हो ।

सुदुरपश्चिमले ५ खेलमा सबै ५ खेल नै जित्दै १० अंक बनाएको हो । समान ५ खेल नै खेलेका बिराटनगर किंग्स र काठमान्डु गोर्खाजले क्रमश ८ अंक र ६ अंक बनाएका छन् ।

एनपीएलको शनिबार सम्पन्न पहिलो खेलमा लुम्बिनी लायन्सले पोखरा एभेञ्जर्सलाई ३ विकेटले पराजित गर्दै प्लेअफमा पुग्ने सम्भावनालाई जीवितै राखेको छ। ५ खेलमा २ जित र ३ हार बेहोरेको लुम्बिनी तालिकामा ४ अङ्कसहित पाँचौ स्थानमा उक्लिएको छ। ल्ुम्बिनीसँग हारेपनि पोखराको प्लेअफमा पुग्ने सम्भावना पनि जीवितै छ। पोखराले हालसम्म चार खेलमध्ये एकमा जीत निकाल्दै दुई अङ्क बटुलेको छ ।

शनिबारको दोस्रो खेलमा सुदूरपश्चिमले अघिल्लो सिजनको फाइनलमा जनकपुरसँग ब्यहोरेको हारको बदला समेत लिएको छ। यो नतिजाले लगातार चार खेलमा पराजित भएको जनकपुर भने अब लिग चरणबाटै बाहिरिने स्थितिमा पुगेको छ। अब उसले आफ्ना बाँकी तीन खेल जितेर मात्र पुग्दैन अरु टोलीको नतिजामा पनि भर पर्नुपर्नेछ।

जनकपुरले दिएको १ सय ४६ रनको लक्ष्य १७ दशमलब ४ ओभरमा ४ विकेटको क्षतिमा सुदूरपश्चिमले पूरा ग¥यो।

सुदूरपश्चिमको जितमा इशान पाण्डेले अर्धशतक पूरा गरे। ओपनर बिनोद भण्डारीसँग महत्वपूर्ण साझेदारी गरेका इशानले ३५ बलमा ८ चौका र १ छक्का सहित ५६ रन जोडे । उनी आदित्य महताको बलमा मयान यादबबाट क्याच भए । ४९ बलमा ३ चौका र १ छक्का सहित विनोद भण्डारीले ४२ रन बनाए । उनी पाकिस्तानी बलर माज सदाकतको बलमा आशिफ शेखबाट क्याच भए । तेस्रो विकेटका लागि भण्डारीले इशान पाण्डेसँग ९१ रनको साझेदारी गरेका थिए ।

सुदूरपश्चिमको सुरुवात नै खराब भयो । इनिङको पहिलो बलमै उसले जोश ब्राउनलाई गुमाएको थियो । ब्राउनलाई जनकपुरका बलर माज सदाकतले बोल्ड गर्दै गोल्डेन डक गरे।

अर्को ओभरमा क्रिस लिन १ रनमै पेभिलियन फर्के। उनी सञ्जय कृष्णमूर्तिको बलमा शुभ कंसाकारबाट क्याच भए ।

दीपेन्द्रसिंह ऐरीले ७ बलमा नटआउट १० रन र हर्मित सिंहले १० बलमा १ चौका र ३ छक्काको मद्दतमा नटआउट २५ रन बनाए ।

बलिङतर्फ जनकपुरका सदाकतले २ विकेट लिए। उनले ४ ओभरमा २५ रन दिए।

त्यसअघि कीर्तिपुरस्थित त्रिवि मैदानमा टस जितेर पहिले ब्याटिङ गरेको जनकपुरले ८ विकेटको क्षतिमा १ सय ४५ रन बनायो।

जनकपुरका लागि मध्यक्रमका ब्याटर सञ्जय कृष्णमूर्तिले अर्धशतक प्रहार गरे। कृष्णमूर्तिले ३८ बलमा ४ चौका र २ छक्का सहित ५० रन बनाए ।

ज्यान निकोल लेफ्टी इटोनले ३९ रन बनाए । ३३ बलको सामना गरेका उनले २ चौका र २ छक्का सहित ३९ रन बनाएका थिए । उनी अविनाश बोहोराको बलमा हर्मित सिंहबाट क्याच भए । आदित्य मेहताले १५ रन , कप्तान वाइने पार्नेलले १४ रन तथा माज सदाकतले १२ रन बनाए ।

जनकपुरका ओपनिङ ब्याटर आसिफ शेख इनिङको चौथो बलमै सुदूरपश्चिमका स्कट कुगेइलिनबाट बोल्ड भएका थिए। दुई ओभरपछि मयन यादव पनि ६ रनमा आउट भएपछि जनकपुर सुरुमै दबाबमा आयो । मयन पनि कुगेइलिनकै बलमा एलबिडब्लूको धरापमा परे ।

बलिङमा सुदूरपश्चिममा अविनास बोहोराले सर्वाधिक ४ विकेट लिए। उनले ४ ओभरमा ३० रन दिए । ४ ओभरमा २२ रन दिएका कुगेइलिनले ३ विकेट झारे । कप्तान दीपेन्द्रसिंह ऐरीले ३ ओभर बल फ्याँक्दै ३० रन खर्चिएर १ विकेट लिँए ।

लुम्बिनीद्वारा पोखरा पराजित
एनपिएलमा लुम्बिनी लायन्सले पोखरा एभेन्जर्सलाई ३ विकेटले हराएको छ । यो जितले लुम्बिनी पाँचौ खेलमा दोस्रो जितसहित अंक तालिकाको पाँचौ स्थानमा उक्लिएको छ। यसले लुम्बिनीलाई शीर्ष चारमा रहेर प्लेअफ पुग्नका लागि राहत मिलेको छ भने हारले गर्दा पोखराको प्लेअफ यात्रा कठिन बन्दै गएको छ। पेखराले चारमध्ये तीन खेलमा पराजय भोगेको छ ।

शनिबार कीर्तिपुरस्थित त्रिवि अन्र्तराष्ट्रिय मैदानमा १ सय ५१ रनको लक्ष्य पछ्याएको लुम्बिनीले ७ विकेटको क्षतिमा १९ दशमलब ४ ओभरमा लक्ष्य पूरा ग¥यो।

अन्तिम ओभरमा १० रन चाहिएको स्थितिमा लुम्बिनीका सन्दीप जोराले उत्कृष्ट प्रदृशन गर्दै जित दिलाए । पोखराका म्याट टेलरविरूद्ध पहिलो बलमा २ रन, दोस्रो बलमा चौका, तेस्रो बल डट र चौथो बलमा चौका प्रहार गर्दै विजयी गराए ।

जोराले २ चौका र १ छक्का सहित २२ बलमा नटआउट २५ रन बनाए। त्यसअघि कप्तान रोहित पौडेलले ४० रन र निशोसन डिक्वेलाले ३७ रन बनाएका थिए। गुल्बादिन नइबले ११ बलमा १७ रनको योगदान दिए ।

बलिङमा पोखराका बिपिन खत्री, म्याट टेलर र सागर ढकालले २–२ विकेट लिए।

टस हारेर ब्याटिङ गरेको पोखराले निर्धारीत २० ओभरमा ५ विकेटको क्षतिमा १ सय ५० रन बनायो । जसमा दुई ब्याटरले अर्धशतक बनाए । पोखराका लागि एडम रोशिङ्टनले सर्वाधिक ८१ रन बनाए। उनले ६३ बलमा ७ चौका र ५ छक्का हाने। त्यस्तै जेम्स नीशमले ३२ बलमा ३ चौका र ३ छक्का प्रहार गरी ५१ रन बनाए। उनीहरु बाहेक अन्य ब्याटरले दोहोरो अंकको स्कोर गर्न सकेनन् ।

कप्तान कुशल भूर्तेल शून्यमै आउट भए। अघिल्लो खेलमा गोल्डेन डक भएका उनी शनिबारको खेलमा पनि गोल्डेन डक नै हुन पुगे। बलिङतर्फ लुम्बिनीका शेर मल्ल र तिलक भण्डारीले दुई÷दुई तथा गुल्बादिन नइबले एक विकेट लिए ।

The post सुदुरपश्चिम एनपिएलको प्लेअफमा appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....